৯. উপযন্তিসুত্তৱণ্ণনা

৬৯. নৱমে উদকৱড্ঢনসমযেতি সব্বদিৱসেসু মহাসমুদ্দস্স অন্তো মহন্তচন্দকন্তমণিপব্বতানং জুণ্হসম্ফস্সেন পহতত্তা জলাভিসন্দনৱসেন উদকস্স ৱড্ঢনসমযে. উপৰি গচ্ছন্তোতি পকতিযা উদকস্স তিট্ঠট্ঠানস্স ততো উপৰি গচ্ছন্তোতি অত্থো. উপৰি যাপেতীতি উদকং তত্থ উপৰূপৰি ৱড্ঢেতি. তথাভূতো চ তং ব্ৰূহেন্তো পূৰেন্তোতি ৱুচ্চতীতি আহ ‘‘ৱড্ঢেতি পূৰেতীতি অত্থো’’তি. যস্মা পচ্চযধম্মা অত্তনো ফলসমৱাযপচ্চযে হোন্তে তস্স উপৰি ঠিতো ৱিয হোতি তস্স অত্তনো ৱসে ৱত্তাপনতো, তস্মা ৱুত্তং ‘‘অৱিজ্জা উপৰি গচ্ছন্তী’’তি. পচ্চযভাৱেন হি সা তথা ৱুচ্চতি. তেনাহ ‘‘সঙ্খাৰানং পচ্চযো ভৱিতুং সক্কুণন্তী’’তি. অপগচ্ছন্তো যাযন্তো. তেনাহ ‘‘ওসৰন্তো’’তি, অৱড্ঢন্তো পৰিহীযমানোতি অত্থো.

উপযন্তিসুত্তৱণ্ণনা নিট্ঠিতা.