৩. সকলিকসুত্তৱণ্ণনা

১৪৯. মন্দভাৱেনাতি জড়ভাৱেন মোমূহভাৱেনাতি মহামূড়্হতায. কব্বকৰণেন মত্তোতি কব্বকিৰিযাপসুততাদিৱসেন মত্তো কব্বং কত্ৱা. কিমিদং সোপ্পসেৱাতি ইদং তৱ সোপ্পং কিমত্থং, পুৰিসেন নাম পুৰিসত্তকৰেন ভৱিতব্বং, ন সোপ্পতিযেৱ. অত্থং সমাগন্ত্ৱাতি পৰমত্থং নিব্বানং সম্মা আগন্ত্ৱা অধিগন্ত্ৱা. অসঙ্গ…পে… নত্থি সব্বসো সিদ্ধত্থভাৱতো. জগ্গন্তোতি জাগৰন্তো পুৰিসো ৱিয, ন ভাযামি ভযহেতূনং অভাৱা. নানুতপন্তি সব্বত্থ সব্বদাপি ৱিস্সট্ঠভাৱতো, মামন্তি মমং. গাথাসুখত্থঞ্হি দীঘং কত্ৱা ৱুত্তং. ঠিতত্তাতি উদ্দেসপৰিপুচ্ছায পৰিচ্ছিজ্জত্তা. হানিন্তি কস্সচি জানিং.

সকলিকসুত্তৱণ্ণনা নিট্ঠিতা.