৪. খত্তিযসুত্তৱণ্ণনা

১৪. খেত্ততো ৱিৱাদা সত্তে তাযতীতি খত্তিযো. ৱদতি দেৱতা অত্তনো অজ্ঝাসযৱসেন. দ্ৱিপদাদীনন্তি আদি-সদ্দেন চতুপ্পদভৰিযপুত্তা গহিতা. বুদ্ধাদযোতি আদি-সদ্দেন আজানীযসুস্সূসভৰিযস্সৱপুত্তা. দ্ৱিপদানং সেট্ঠোতি এত্থ দ্ৱিপদানং এৱ সেট্ঠোতি নাযং নিযমো ইচ্ছিতো, সেট্ঠো এৱাতি পন ইচ্ছিতো, তস্মা সম্বুদ্ধো দ্ৱিপদেসু অঞ্ঞেসু তত্থ চ উপ্পজ্জনতো সেট্ঠো এৱ সব্বেসম্পি উত্তৰিতৰস্স অভাৱতোতি অযমেত্থ অত্থো. তেনাহ ‘‘উপ্পজ্জমানো পনেসা’’তিআদি. কাৰণাকাৰণং আজানাতীতি আজানীযো. গণ্হাপেথাতি যথা উদকো ন তেমিস্সতি, এৱং ৱাড়ং গণ্হাপেথ. ‘‘অসুস্সূসা’’তি কেচি পঠন্তি. আসুণমানোতি সপ্পটিস্সৱো হুত্ৱা ৱচনসম্পটিচ্ছকো.

খত্তিযসুত্তৱণ্ণনা নিট্ঠিতা.