১. পঠমসিক্খাপদ-অত্থযোজনা

৯৭৮. চিত্তাগাৰৱগ্গস্স পঠমে ৰঞ্ঞো কীড়নট্ঠানং অগাৰং ৰাজাগাৰন্তি ৱচনত্থং দস্সেন্তো আহ ‘‘ৰঞ্ঞো কীড়নঘৰ’’ন্তি. চিত্তং অগাৰং চিত্তাগাৰং. আৰামন্তি নগৰতো নাতিদূৰআৰামোতি আহ ‘‘উপৱন’’ন্তি. উয্যানন্তি সম্পন্নপুপ্ফফলতায উদ্ধং উল্লোকেত্ৱা মনুস্সা যন্তি গচ্ছন্তি এত্থাতি উয্যানং. পোক্খৰণিন্তি পোক্খৰং পদুমং নেতীতি পোক্খৰণী. পঞ্চপীতি ৰাজাগাৰাদীনি পঞ্চপি. সব্বত্থাতি দস্সনত্থায গমনে চ গন্ত্ৱা পস্সনে চাতি সব্বেসু.

৯৮১. ‘‘অজ্ঝাৰামে’’তিআদিনা আৰামে ঠিতায আৰামতো বহি কতে ৰাজাগাৰাদিকে পস্সন্তিযাপি অনাপত্তীতি দস্সেতি. তানীতি ৰাজাগাৰাদীনীতি. পঠমং.