২. উজ্জগ্ঘিকৱগ্গ-অত্থযোজনা

৫৮৬. উচ্চাসদ্দং কত্ৱা জগ্ঘনং হসনং উজ্জগ্ঘো, সোযেৱ উজ্জগ্ঘিকা, তায. ইতি ইমমত্থং দস্সেন্তো আহ ‘‘মহাহসিতং হসন্তো’’তি. এত্থাতি ‘‘উজ্জগ্ঘিকাযা’’তিপদে.

৫৮৮. কিত্তাৱতাতি কিত্তকেন পমাণেন, এৱং নিসিন্নেসু থেৰেসূতি সম্বন্ধো, নিদ্ধাৰণে চেতং ভুম্মৱচনং. ৱৱত্থপেতীতি ইদঞ্চীদঞ্চ কথেতীতি ৱৱত্থপেতি. এত্তাৱতাতি এত্তকেন পমাণেন.

৫৯০. নিচ্চলং কত্ৱা কাযস্স উজুট্ঠপনং কাযপগ্গহো নামাতি আহ ‘‘নিচ্চলং কত্ৱা’’তিআদি. এসেৱ নযো বাহুপগ্গহসীসপগ্গহেসুপীতি. দুতিযো ৱগ্গো.