১৮. নগ্গনিদ্দেসৱণ্ণনা

১৬৬. ‘‘ন ত্ৱেৱ নগ্গেন আগন্তব্বং, যো আগচ্ছেয্য, আপত্তি দুক্কটস্সা’’তি (পাৰা. ৫১৭) ৱুত্তত্তা (চূড়ৱ. ২৬১;) ‘‘নগ্গো মগ্গং ন ৱজে’’তি ৱুত্তং.

১৬৭. পটিচ্ছাদিসূতি ‘‘তেন খো পন সমযেন ভিক্খূ জন্তাঘৰেপি উদকেপি পৰিকম্মং কাতুং কুক্কুচ্চাযন্তি. অনুজানামি, ভিক্খৱে, তিস্সো পটিচ্ছাদিযো জন্তাঘৰপ্পটিচ্ছাদিং উদকপ্পটিচ্ছাদিং ৱত্থপ্পটিচ্ছাদি’’ন্তি এৱং ৱুত্তাসু তীসু পটিচ্ছাদীসূতি অত্থো. দুৱেতি এতাসু তীসু পটিচ্ছাদীসু উদকজন্তাঘৰপ্পটিচ্ছাদিযো পৰিকম্মে কপ্পন্তীতি অধিপ্পাযো. ৱত্থচ্ছাদীতি ৱত্থপ্পটিচ্ছাদি. সব্বত্থাতি খাদনীযসাযনীযাদীসু সব্বকম্মেসু কপ্পিযাতি অত্থো. নগ্গৱিনিচ্ছযো.

নগ্গনিদ্দেসৱণ্ণনা নিট্ঠিতা.