১৭. আপুচ্ছকৰণনিদ্দেসৱণ্ণনা

১৬১. থেৰেনাতি সঙ্ঘত্থেৰেন.

১৬২. তত্থ তত্থ সন্নিপতিতানং সব্বেসং ৱুড্ঢো ৱুড্ঢতৰো, তস্মিং ৱুড্ঢতৰাগমে পুন আপুচ্ছনং নত্থি. ভত্তগ্গে চানুমোদতোতি এত্থ দানপতিনা যাচিতেন দহৰেন ৱুড্ঢেন অনাপুচ্ছিত্ৱা কথেতুং ৱট্টতীতি ৱদন্তি.

১৬৩. একৱিহাৰকেতি একোৱৰকে ৱুড্ঢেন ৱসন্তো অনাপুচ্ছা ন সজ্ঝাযেয্যাতি অত্থো. উদ্দেসং পৰিপুচ্ছঞ্চ নো দদেতি উদ্দেসং ৱা পৰিপুচ্ছং ৱা নো দদেয্য.

১৬৪. ন ৱিৱৰেয্য ন থকেয্য চাতি সম্বন্ধো. দ্ৱাৰং নাম মহাৱড়ঞ্জং, তত্থ আপুচ্ছনকিচ্চং নত্থি.

১৬৫. ৱুড্ঢেন চঙ্কমে চঙ্কমন্তোপি যেন ৱুড্ঢো, তেন পৰিৱত্তযেতি সম্বন্ধো. আপুচ্ছকৰণৱিনিচ্ছযো.

আপুচ্ছকৰণনিদ্দেসৱণ্ণনা নিট্ঠিতা.