৩. পঞ্হপুচ্ছকৱণ্ণনা

১৫০. চিত্তুপ্পাদৰূপৱসেন তং তং সমুদাযং একেকং ধম্মং কত্ৱা ‘‘পঞ্চপণ্ণাস কামাৱচৰধম্মে’’তি আহ. ৰজ্জন্তস্সাতিআদীসু ৰাগাদযো ছসু দ্ৱাৰেসু সীলাদযো চ পঞ্চ সংৱৰা যথাসম্ভৱং যোজেতব্বা, সম্মসনং পন মনোদ্ৱাৰে এৱ. ৰূপাৰূপাৱচৰধম্মেসু অভিজ্ঝাদোমনস্সাদিউপ্পত্তি অত্থীতি ততো সতিসংৱৰো ঞাণৱীৰিযসংৱৰা চ যথাযোগং যোজেতব্বা. পৰিগ্গহৱচনেন সম্মসনপচ্চৱেক্খণানি সঙ্গণ্হাতি. তেযেৱাতি চত্তাৰো খন্ধা ৱুত্তা.

সমানে দেসিতব্বে দেসনামত্তস্স পৰিৱট্টনং পৰিৱট্টো. তীসুপি পৰিৱট্টেসু কত্থচি কিঞ্চি ঊনং অধিকং ৱা নত্থীতি কত্ৱা আহ ‘‘একোৱ পৰিচ্ছেদো’’তি.

পঞ্হপুচ্ছকৱণ্ণনা নিট্ঠিতা.

খন্ধৱিভঙ্গৱণ্ণনা নিট্ঠিতা.