২. অন্তৰাভৱকথাৱণ্ণনা

৫০৫. অতিদূৰস্স অন্তৰিতস্স পত্তব্বস্স দেসস্স দস্সনতো দিব্বচক্খুকো ৱিয. আকাসেন পথৱন্তৰট্ঠানানি ভিন্দিত্ৱা গমনতো ইদ্ধিমা ৱিয. ন সহধম্মেনাতি যদি সো ভৱানং অন্তৰা ন সিযা, ন নাম অন্তৰাভৱোতি পটিক্খেপে কৰণং নত্থীতি অধিপ্পাযো.

৫০৬. তত্থ জাতিজৰামৰণানি চেৱ চুতিপটিসন্ধিপৰম্পৰঞ্চ অনিচ্ছন্তোতি এতেন চুতিঅনন্তৰং অন্তৰাভৱং খন্ধাতি, ৱত্তমানা জাতীতি, মাতুকুচ্ছিমেৱ পৱিট্ঠা অন্তৰধাযমানা মৰণন্তি ন ইচ্ছতি.

৫০৭. যথা কামভৱাদীসু তত্থ তত্থেৱ পুনপ্পুনং চৱিত্ৱা উপপত্তিৱসেন চুতিপটিসন্ধিপৰম্পৰা হোতি, এৱং তং তত্থ ন ইচ্ছতীতি দস্সেতি.

অন্তৰাভৱকথাৱণ্ণনা নিট্ঠিতা.