১. বলকথাৱণ্ণনা

৩৫৪. ইন্দ্ৰিযপৰোপৰিযত্তং অসাধাৰণন্তি যথা নিদ্দেসতো ৱিত্থাৰতো সব্বং সব্বাকাৰং ঠানাট্ঠানাদিং অজানন্তাপি ‘‘অট্ঠানমেতং অনৱকাসো, যং দিট্ঠিসম্পন্নো পুগ্গলো কঞ্চি সঙ্খাৰং নিচ্চতো উপগচ্ছেয্যা’’তিআদিনা (অ. নি. ১.২৬৮) ঠানাট্ঠানানি উদ্দেসতো সঙ্খেপতো সাৱকা জানন্তি, ন এৱং ‘‘আসযং জানাতি অনুসযং জানাতী’’তিআদিনা (পটি. ম. ১.১১৩) উদ্দেসমত্তেনপি ইন্দ্ৰিযপৰোপৰিযত্তং জানন্তীতি ‘‘অসাধাৰণ’’ন্তি আহ. থেৰেন পন সদ্ধাদীনং ইন্দ্ৰিযানং তিক্খমুদুভাৱজাননমত্তং সন্ধায ‘‘সত্তানং ইন্দ্ৰিযপৰোপৰিযত্তং যথাভূতং পজানামী’’তি (পটি. ম. ২.৪৪) ৱুত্তং, ন যথাৱুত্তং ইন্দ্ৰিযপৰোপৰিযত্তঞাণং তথাগতবলন্তি অযমেত্থ অধিপ্পাযো দট্ঠব্বো. ‘‘উদ্দেসতো ঠানাট্ঠানাদিমত্তজাননৱসেন পটিজানাতী’’তি ৱুত্তং, এৱং পন পটিজানন্তেন ‘‘তথাগতবলং সাৱকসাধাৰণ’’ন্তি ইদম্পি এৱমেৱ পটিঞ্ঞাতং সিযাতি কথমযং চোদেতব্বো সিযা.

৩৫৬. সেসেসু পটিক্খেপো সকৱাদিস্স ঠানাট্ঠানঞাণাদীনং সাধাৰণাসাধাৰণত্তা তত্থ সাধাৰণপক্খং সন্ধাযাতি অধিপ্পাযো.

বলকথাৱণ্ণনা নিট্ঠিতা.