১১. দক্খিণাৱিসুদ্ধিকথাৱণ্ণনা

৮০০-৮০১. দক্খিণাৱিসুদ্ধিকথাযং ৱিসুজ্ঝেয্যাতি এতস্স অত্থং দস্সেন্তো ‘‘মহপ্ফলা ভৱেয্যা’’তি আহ. দাযকস্সেৱ চিত্তৱিসুদ্ধি ৱিপাকদাযিকা হোতীতি পটিগ্গাহকনিৰপেক্খা পটিগ্গাহকেন পচ্চযভূতেন ৱিনা দাযকেনেৱ মহাৱিপাকচেতনত্তং আপাদিকা, পটিগ্গাহকনিৰপেক্খা ৱিপাকদাযিকা হোতীতি অধিপ্পাযো. অঞ্ঞো অঞ্ঞস্স কাৰকোতি যদি দাযকস্স দানচেতনা নাম পটিগ্গাহকেন কতা ভৱেয্য, যুত্তৰূপং সিযাতি কস্মা ৱুত্তং, ননু লদ্ধিকিত্তনে ‘‘দাযকেন দানং দিন্নং, পটিগ্গাহকেন ৱিপাকো নিব্বত্তিতোতি অঞ্ঞো অঞ্ঞস্স কাৰকো ভৱেয্যা’’তি ৱুত্তন্তি? সচ্চমেতং, পটিগ্গাহকেন ৱিপাকনিব্বত্তনম্পি পন দানচেতনানিব্বত্তনেন যদি ভৱেয্য, এৱং সতি অঞ্ঞো অঞ্ঞস্স কাৰকোতি যুত্তৰূপং সিযাতি অধিপ্পাযো.

দক্খিণাৱিসুদ্ধিকথাৱণ্ণনা নিট্ঠিতা.

সত্তৰসমৱগ্গৱণ্ণনা নিট্ঠিতা.