১০. দুতিযমৰণস্সতিসুত্তৱণ্ণনা

২০. দসমে নিক্খন্তেতি ৱীতিৱত্তে. পতিগতাযাতি পচ্চাগতায, সম্পত্তাযাতি অত্থো. তেনাহ ‘‘পটিপন্নাযা’’তি. সো মমস্স অন্তৰাযোতি যথাৱুত্তা ন কেৱলং কালকিৰিযাৱ, মম অতিদুল্লভং খণং লভিত্ৱা তস্স সত্থুসাসনমনসিকাৰস্স চেৱ জীৱিতস্স চ সগ্গমোক্খানঞ্চ অন্তৰাযো অস্স, ভৱেয্যাতি অত্থো. তেনাহ ‘‘তিৱিধো অন্তৰাযো’’তিআদি. ৱিপজ্জেয্যাতি ৱিপত্তিং গচ্ছেয্য. সত্থকেন ৱিয অঙ্গপচ্চঙ্গানং কন্তনকাৰকা কাযে সন্ধিবন্ধনচ্ছেদকৱাতা সত্থকৱাতা. কত্তুকম্যতাছন্দোতি নিয্যানাৱহো কত্তুকম্যতাকুসলচ্ছন্দো. পযোগৱীৰিযন্তি ভাৱনানুযোগৱীৰিযং. ন পটিৱাতি ন পটিনিৱত্ততীতি অপ্পটিৱানী, অন্তৰা ৱোসানানাপজ্জনৱীৰিযং. তেনাহ ‘‘অনুক্কণ্ঠনা অপ্পটিসঙ্ঘৰণা’’তি.

দুতিযমৰণস্সতিসুত্তৱণ্ণনা নিট্ঠিতা.

সাৰণীযৱগ্গৱণ্ণনা নিট্ঠিতা.