(২৩) ৩. দীঘচাৰিকৱগ্গো

১-১০. পঠমদীঘচাৰিকসুত্তাদিৱণ্ণনা

২২১-২৩০. ততিযস্স পঠমাদীনি সুৱিঞ্ঞেয্যানি. পঞ্চমে ৰহো নিসজ্জায আপজ্জতীতি ‘‘যো পন ভিক্খু মাতুগামেন সদ্ধিং একো একায ৰহো নিসজ্জং কপ্পেয্য, পাচিত্তিয’’ন্তি ইমস্মিং সিক্খাপদে (পাচি. ২৯০) ৱুত্তং আপত্তিং আপজ্জতি. পটিচ্ছন্নে আসনে আপজ্জতীতি ‘‘যো পন ভিক্খু মাতুগামেন ৰহো পটিচ্ছন্নে আসনে নিসজ্জং কপ্পেয্য, পাচিত্তিয’’ন্তি ইমস্মিং ৱুত্তং আপত্তিং আপজ্জতি. মাতুগামস্স উত্তৰি ছপ্পঞ্চৱাচাহি ধম্মং দেসেন্তো আপজ্জতীতি ‘যো পন ভিক্খু মাতুগামস্স উত্তৰি ছপ্পঞ্চৱাচাহি ধম্মং দেসেয্য অঞ্ঞত্ৰ ৱিঞ্ঞুনা পুৰিসৱিগ্গহেনা’’তি (পাচি. ৬৩) এৱং ৱুত্তং আপত্তিং আপজ্জতি. তেনাহ ‘‘তেসং তেসং সিক্খাপদানং ৱসেন ৱেদিতব্বানী’’তি. ছট্ঠাদীনি উত্তানত্থানি.

পঠমদীঘচাৰিকসুত্তাদিৱণ্ণনা নিট্ঠিতা.

দীঘচাৰিকৱগ্গৱণ্ণনা নিট্ঠিতা.

২৩১-৩০২. চতুত্থৱগ্গাদীনি উত্তানত্থানি.

ইতি মনোৰথপূৰণিযা অঙ্গুত্তৰনিকায-অট্ঠকথায

পঞ্চকনিপাতৱণ্ণনায অনুত্তানত্থদীপনা সমত্তা.