৩. কুহকসুত্তৱণ্ণনা

৮৩. ততিযে তীহি কুহনৱত্থূহীতি সামন্তজপ্পনইৰিযাপথসন্নিস্সিতপচ্চযপ্পটিসেৱনভেদতো তিপ্পভেদেহি কুহনৱত্থূহি. তিৱিধেন কুহনৱত্থুনা লোকং কুহযতি ৱিম্হাপযতি ‘‘অহো অচ্ছৰিযপুৰিসো’’তি অত্তনি পৰেসং ৱিম্হযং উপ্পাদেতীতি কুহকো. লাভসক্কাৰত্থিকো হুত্ৱা লপতি অত্তানং দাযকং ৱা উক্খিপিত্ৱা যথা সো কিঞ্চি দদাতি, এৱং উক্কাচেত্ৱা কথেতীতি লপকো. নিমিত্তং সীলং তস্সাতি নেমিত্তিকো, নিমিত্তেন ৱা চৰতি, নিমিত্তং ৱা কৰোতীতি নেমিত্তিকো. নিমিত্তন্তি চ পৰেসং পচ্চযদানসঞ্ঞুপ্পাদকং কাযৱচীকম্মং ৱুচ্চতি. নিপ্পেসো সীলমস্সাতি নিপ্পেসিকো. নিপ্পিসতীতি ৱা নিপ্পেসো, নিপ্পেসোযেৱ নিপ্পেসিকো. নিপ্পেসোতি চ সঠপুৰিসো ৱিয লাভসক্কাৰত্থং অক্কোসনুপ্পণ্ডনপৰপিট্ঠিমংসিকতাদি.

কুহকসুত্তৱণ্ণনা নিট্ঠিতা.