(২৬) ৬. অভিঞ্ঞাৱগ্গো

১-৩. অভিঞ্ঞাসুত্তাদিৱণ্ণনা

২৫৪-২৫৬. ছট্ঠস্স পঠমে পচ্চনীকসমনতো সমথো, সমাধীতি আহ ‘‘চিত্তেকগ্গতা’’তি. অনিচ্চাদিনা ৱিৱিধেনাকাৰেন দস্সনতো ৱিপস্সনা, সঙ্খাৰপৰিগ্গাহকঞাণং. তেনাহ ‘‘সঙ্খাৰপৰিগ্গহৱিপস্সনাঞাণ’’ন্তি.

দুতিযে অনৰিযেহি পৰিযেসিতব্বত্তা অনৰিযানং পৰিযেসনাতি অনৰিযপৰিযেসনা. সযং লামকতায অনৰিযানং পৰিযেসনাতি ৱা অনৰিযপৰিযেসনা. জৰাসভাৱন্তি জীৰণপকতিকং. ততিযং উত্তানমেৱ.

অভিঞ্ঞাসুত্তাদিৱণ্ণনা নিট্ঠিতা.

৪-১০. মালুক্যপুত্তসুত্তাদিৱণ্ণনা

২৫৭-২৬৩. চতুত্থে অপসাদেতীতি নিগ্গণ্হাতি. উস্সাদেতীতি পগ্গণ্হাতি. অপসাদনাকাৰং উস্সাদনাকাৰঞ্চ ৱিভাৱেতুং ‘‘কথ’’ন্তিআদি আৰদ্ধং. পঞ্চমাদীনি উত্তানানেৱ. সেসং সুৱিঞ্ঞেয্যমেৱ.

মালুক্যপুত্তসুত্তাদিৱণ্ণনা নিট্ঠিতা.

অভিঞ্ঞাৱগ্গৱণ্ণনা নিট্ঠিতা.

ইতি মনোৰথপূৰণিযা অঙ্গুত্তৰনিকায-অট্ঠকথায

চতুক্কনিপাতৱণ্ণনায অনুত্তানত্থদীপনা সমত্তা.

দুতিযো ভাগো নিট্ঠিতো.