৪. অভযসুত্তৱণ্ণনা

১৮৪. চতুত্থে সোচতীতি চিত্তে উপ্পন্নবলৱসোকেন সোচতি, চিত্তসন্তাপেন অন্তো নিজ্ঝাযতীতি অত্থো. কিলমতীতি তস্সেৱ সোকস্স ৱসেন কাযে চ উপ্পন্নদুক্খেন কিলমতি. পৰিদেৱতীতি সোকুদ্দেহকৱসেন তং তং ৱিপ্পলপন্তো ৱাচায পৰিদেৱতি. উৰত্তাড়িন্তি উৰত্তাড়ং, উৰং তাড়েত্ৱাতি অত্থো. তেনাহ ‘‘উৰং তাড়েত্ৱা’’তি. কঙ্খাৱিচিকিচ্ছাতি এত্থ ‘‘একমেৱিদং পঞ্চমং নীৱৰণং. কিং নু খো ইদ’’ন্তি আৰম্মণং কঙ্খনতো কঙ্খা, ‘‘ইদমেৱ ৱৰ’’ন্তি নিচ্ছেতুং অসমত্থভাৱতো ‘‘ৱিচিকিচ্ছা’’তি ৱুচ্চতি – ‘‘ধম্মসভাৱং ৱিচিনন্তো কিচ্ছতি, ৱিগতা চিকিচ্ছা’’তি ৱা কত্ৱা.

অভযসুত্তৱণ্ণনা নিট্ঠিতা.