৪. উদকৰহদসুত্তৱণ্ণনা

১০৪. চতুত্থে উদকৰহদো জণ্ণুকমত্তেপি উদকে সতি পণ্ণৰসসম্ভিন্নৱণ্ণত্তা ৱা বহলত্তা ৱা উদকস্স অপঞ্ঞাযমানতলো উত্তানো গম্ভীৰোভাসো নাম হোতীতি আহ ‘‘পুৰাণপণ্ণৰস…পে… গম্ভীৰোভাসো নামা’’তি. তিপোৰিসচতুপোৰিসে পন উদকে সতি অচ্ছত্তা উদকস্স পঞ্ঞাযমানতলো গম্ভীৰো উত্তানোভাসো নাম হোতীতি আহ ‘‘অচ্ছৱিপ্পসন্নমণিৱণ্ণউদকো উত্তানোভাসো নামা’’তি. উভযকাৰণসম্ভৱতো পন ইতৰে দ্ৱে ৱেদিতব্বা. পুগ্গলেপি কিলেসুস্সদভাৱতো গুণগম্ভীৰতায চ অভাৱতো গুণগম্ভীৰানং সদিসেহি অভিক্কমনাদীহি যুত্তো উত্তানো গম্ভীৰোভাসো নাম. ইমিনা নযেন সেসা ৱেদিতব্বা.

উদকৰহদসুত্তৱণ্ণনা নিট্ঠিতা.