(১৪) ৪. সন্থাৰৱগ্গৱণ্ণনা

১৫২. চতুত্থস্স পঠমে আমিসস্স চ ধম্মস্স চ অলাভেন অত্তনো পৰস্স চ অন্তৰে সম্ভৱন্তস্স ছিদ্দস্স ৱিৱৰস্স ভেদস্স সন্থৰণং পিদহনং সঙ্গণ্হনং সন্থাৰো. অযঞ্হি লোকসন্নিৱাসো অলব্ভমানেন আমিসেন ধম্মেন চাতি দ্ৱীহি ছিদ্দো. তস্স তং ছিদ্দং যথা ন পঞ্ঞাযতি, এৱং পীঠস্স ৱিয পচ্চত্থৰণেন আমিসেন ধম্মেন চ সন্থৰণং সঙ্গণ্হনং সন্থাৰোতি ৱুচ্চতি. এত্থ চ আমিসেন সঙ্গহো আমিসসন্থাৰো নাম. তং কৰোন্তেন মাতাপিতূনং ভিক্খুগতিকস্স ৱেয্যাৱচ্চকৰস্স ৰঞ্ঞো চোৰানঞ্চ অগ্গং অগ্গহেত্ৱাপি দাতুং ৱট্টতি. আমসিত্ৱা দিন্নেহি ৰাজানো চ চোৰা চ অনত্থম্পি কৰোন্তি, জীৱিতক্খযম্পি পাপেন্তি. অনামসিত্ৱা দিন্নেন অত্তমনা হোন্তি, চোৰনাগৱত্থুআদীনি চেত্থ ৱত্থূনি কথেতব্বানি. তানি সমন্তপাসাদিকায ৱিনযট্ঠকথাযং (পাৰা. ১৮৫) ৱিত্থাৰিতানি. সক্কচ্চং উদ্দেসদানং পাড়িৱণ্ণনা ধম্মকথাকথনন্তি এৱং ধম্মেন সঙ্গহো ধম্মসন্থাৰো নাম.

১৫৩-১৬৩. দুতিযাদীনি উত্তানত্থানেৱ.

সন্থাৰৱগ্গৱণ্ণনা নিট্ঠিতা.