৮-৯. দুতিযমহাপঞ্হসুত্তাদিৱণ্ণনা

২৮-২৯. অট্ঠমে এৱংনামকেতি কজঙ্গলাতি এৱং ইত্থিলিঙ্গৱসেন লদ্ধনামকে মজ্ঝিমপ্পদেসস্স মৰিযাদভূতে নগৰে. ‘‘নিগমে’’তিপি ৱদন্তি, ‘‘নিচুলৱনে’’তিপি ৱদন্তি. নিচুলং নাম একা ৰুক্খজাতি, ‘‘নীপৰুক্খো’’তিপি ৱদন্তি. তেন সঞ্ছন্নো মহাৱনসণ্ডো, তত্থ ৱিহৰতীতি অত্থো. হেতুনা নযেনাতি চ হেট্ঠা ৱুত্তমেৱ. ননু চ ‘‘এসো চেৱ তস্স অত্থো’’তি কস্মা ৱুত্তং. ভগৱতা হি চত্তাৰোতিআদিপঞ্হব্যাকৰণা চত্তাৰো আহাৰা, পঞ্চুপাদানক্খন্ধা, ছ অজ্ঝত্তিকানি আযতনানি, সত্ত ৱিঞ্ঞাণট্ঠিতিযো, অট্ঠ লোকধম্মা দস্সিতা. ভিক্খুনিযা পন চত্তাৰো সতিপট্ঠানা, পঞ্চিন্দ্ৰিযানি, ছ নিস্সাৰণীযা ধাতুযো, সত্ত বোজ্ঝঙ্গা, অৰিযো অট্ঠঙ্গিকো মগ্গোতি দস্সিতধম্মা অঞ্ঞোযেৱত্থো ভিক্খুনিযা দস্সিতোতি চোদনং সন্ধাযাহ ‘‘কিঞ্চাপী’’তিআদি. নৱমে নত্থি ৱত্তব্বং.

দুতিযমহাপঞ্হসুত্তাদিৱণ্ণনা নিট্ঠিতা.