১-৮. ৱাহনসুত্তাদিৱণ্ণনা

৮১-৮৮. চতুত্থস্স পঠমে ৱিমৰিযাদীকতেনাতি নিম্মৰিযাদীকতেন. চেতসাতি এৱংৱিধেন চিত্তেন ৱিহৰতি. তত্থ দ্ৱে মৰিযাদা কিলেসমৰিযাদা চ আৰম্মণমৰিযাদা চ. সচে হিস্স ৰূপাদিকে আৰব্ভ ৰাগাদযো উপ্পজ্জেয্যুং, কিলেসমৰিযাদা তেন কতা ভৱেয্য. তেসু পনস্স একোপি ন উপ্পন্নোতি কিলেসমৰিযাদা নত্থি. সচে পনস্স ৰূপাদিধম্মে আৱজ্জেন্তস্স একচ্চে আপাথং নাগচ্ছেয্যুং, এৱমস্স আৰম্মণমৰিযাদা ভৱেয্য. তে পনস্স ধম্মে আৱজ্জেন্তস্স আপাথং অনাগতধম্মো নাম নত্থীতি আৰম্মণমৰিযাদাপি নত্থি. ইধ পন কিলেসমৰিযাদা অধিপ্পেতাতি আহ ‘‘কিলেসমৰিযাদং ভিন্দিত্ৱা’’তিআদি. ততিযাদীসু নত্থি ৱত্তব্বং.

ৱাহনসুত্তাদিৱণ্ণনা নিট্ঠিতা.