৫. কুসলৰাসিসুত্তং

৪১১. ‘‘‘কুসলৰাসী’তি, ভিক্খৱে, ৱদমানো চত্তাৰো সতিপট্ঠানে সম্মা ৱদমানো ৱদেয্য. কেৱলো হাযং, ভিক্খৱে, কুসলৰাসি, যদিদং – চত্তাৰো সতিপট্ঠানা.

‘‘কতমে চত্তাৰো? ইধ, ভিক্খৱে, ভিক্খু কাযে কাযানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং; ৱেদনাসু…পে… চিত্তে…পে… চিত্তানুপস্সী…পে… ধম্মেসু ধম্মানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং. ‘কুসলৰাসী’তি, ভিক্খৱে, ৱদমানো ইমে চত্তাৰো সতিপট্ঠানে সম্মা ৱদমানো ৱদেয্য. কেৱলো হাযং, ভিক্খৱে, কুসলৰাসি, যদিদং – চত্তাৰো সতিপট্ঠানা’’তি. পঞ্চমং.