৮. নিৰোধৱগ্গো

১. অসুভসুত্তং

২৪৮. ‘‘অসুভসঞ্ঞা, ভিক্খৱে…পে… পঠমং.

২. মৰণসুত্তং

২৪৯. ‘‘মৰণসঞ্ঞা, ভিক্খৱে…পে… দুতিযং.

৩. আহাৰেপটিকূলসুত্তং

২৫০. ‘‘আহাৰে পটিকূলসঞ্ঞা, ভিক্খৱে…পে… ততিযং.

৪. অনভিৰতিসুত্তং

২৫১. ‘‘সব্বলোকে অনভিৰতিসঞ্ঞা, ভিক্খৱে…পে… চতুত্থং.

৫. অনিচ্চসুত্তং

২৫২. ‘‘অনিচ্চসঞ্ঞা, ভিক্খৱে…পে… পঞ্চমং.

৬. দুক্খসুত্তং

২৫৩. ‘‘অনিচ্চে দুক্খসঞ্ঞা, ভিক্খৱে…পে… ছট্ঠং.

৭. অনত্তসুত্তং

২৫৪. ‘‘দুক্খে অনত্তসঞ্ঞা, ভিক্খৱে…পে… সত্তমং.

৮. পহানসুত্তং

২৫৫. ‘‘পহানসঞ্ঞা, ভিক্খৱে…পে… অট্ঠমং.

৯. ৱিৰাগসুত্তং

২৫৬. ‘‘ৱিৰাগসঞ্ঞা, ভিক্খৱে…পে… নৱমং.

১০. নিৰোধসুত্তং

২৫৭. ‘‘নিৰোধসঞ্ঞা, ভিক্খৱে, ভাৱিতা বহুলীকতা মহপ্ফলা হোতি মহানিসংসা. কথং ভাৱিতা চ, ভিক্খৱে, নিৰোধসঞ্ঞা কথং বহুলীকতা মহপ্ফলা হোতি মহানিসংসা? ইধ, ভিক্খৱে, ভিক্খু নিৰোধসঞ্ঞাসহগতং সতিসম্বোজ্ঝঙ্গং ভাৱেতি…পে… নিৰোধসঞ্ঞাসহগতং উপেক্খাসম্বোজ্ঝঙ্গং ভাৱেতি ৱিৱেকনিস্সিতং ৱিৰাগনিস্সিতং নিৰোধনিস্সিতং ৱোস্সগ্গপৰিণামিং. এৱং ভাৱিতা খো, ভিক্খৱে, নিৰোধসঞ্ঞা এৱং বহুলীকতা মহপ্ফলা হোতি মহানিসংসাতি.

‘‘নিৰোধসঞ্ঞায, ভিক্খৱে, ভাৱিতায বহুলীকতায দ্ৱিন্নং ফলানং অঞ্ঞতৰং ফলং পাটিকঙ্খং – দিট্ঠেৱ ধম্মে অঞ্ঞা, সতি ৱা উপাদিসেসে অনাগামিতা. কথং ভাৱিতায, ভিক্খৱে, নিৰোধসঞ্ঞায কথং বহুলীকতায দ্ৱিন্নং ফলানং অঞ্ঞতৰং ফলং পাটিকঙ্খং – দিট্ঠেৱ ধম্মে অঞ্ঞা, সতি ৱা উপাদিসেসে অনাগামিতা? ইধ, ভিক্খৱে, ভিক্খু নিৰোধসঞ্ঞাসহগতং সতিসম্বোজ্ঝঙ্গং ভাৱেতি…পে… নিৰোধসঞ্ঞাসহগতং উপেক্খাসম্বোজ্ঝঙ্গং ভাৱেতি ৱিৱেকনিস্সিতং ৱিৰাগনিস্সিতং নিৰোধনিস্সিতং ৱোস্সগ্গপৰিণামিং. এৱং ভাৱিতায খো, ভিক্খৱে, নিৰোধসঞ্ঞায এৱং বহুলীকতায দ্ৱিন্নং ফলানং অঞ্ঞতৰং ফলং পাটিকঙ্খং – দিট্ঠেৱ ধম্মে অঞ্ঞা, সতি ৱা উপাদিসেসে অনাগামিতা’’তি.

‘‘নিৰোধসঞ্ঞা, ভিক্খৱে, ভাৱিতা বহুলীকতা মহতো অত্থায সংৱত্ততি, মহতো যোগক্খেমায সংৱত্ততি, মহতো সংৱেগায সংৱত্ততি, মহতো ফাসুৱিহাৰায সংৱত্ততি. কথং ভাৱিতা চ, ভিক্খৱে, নিৰোধসঞ্ঞা কথং বহুলীকতা মহতো অত্থায সংৱত্ততি, মহতো যোগক্খেমায সংৱত্ততি, মহতো সংৱেগায সংৱত্ততি, মহতো ফাসুৱিহাৰায সংৱত্ততি? ইধ, ভিক্খৱে, ভিক্খু নিৰোধসঞ্ঞাসহগতং সতিসম্বোজ্ঝঙ্গং ভাৱেতি…পে… নিৰোধসঞ্ঞাসহগতং উপেক্খাসম্বোজ্ঝঙ্গং ভাৱেতি ৱিৱেকনিস্সিতং ৱিৰাগনিস্সিতং নিৰোধনিস্সিতং ৱোস্সগ্গপৰিণামিং. এৱং ভাৱিতা খো, ভিক্খৱে, নিৰোধসঞ্ঞা এৱং বহুলীকতা মহতো অত্থায সংৱত্ততি, মহতো যোগক্খেমায সংৱত্ততি, মহতো সংৱেগায সংৱত্ততি, মহতো ফাসুৱিহাৰায সংৱত্ততী’’তি. দসমং.

নিৰোধৱগ্গো অট্ঠমো.

তস্সুদ্দানং –

অসুভমৰণআহাৰে, পটিকূলঅনভিৰতেন [পটিকূলেন চ সব্বলোকে (স্যা.)];

অনিচ্চদুক্খঅনত্তপহানং, ৱিৰাগনিৰোধেন তে দসাতি.