৯. গঙ্গাপেয্যালৱগ্গো

১-১২. গঙ্গানদীআদিসুত্তং

২৫৮-২৬৯. ‘‘সেয্যথাপি, ভিক্খৱে, গঙ্গা নদী পাচীননিন্না পাচীনপোণা পাচীনপব্ভাৰা; এৱমেৱ খো, ভিক্খৱে, ভিক্খু সত্ত বোজ্ঝঙ্গে ভাৱেন্তো সত্ত বোজ্ঝঙ্গে বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো. কথঞ্চ, ভিক্খৱে, ভিক্খু সত্ত বোজ্ঝঙ্গে ভাৱেন্তো সত্ত বোজ্ঝঙ্গে বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো? ইধ, ভিক্খৱে, ভিক্খু সতিসম্বোজ্ঝঙ্গং ভাৱেতি…পে… উপেক্খাসম্বোজ্ঝঙ্গং ভাৱেতি ৱিৱেকনিস্সিতং ৱিৰাগনিস্সিতং নিৰোধনিস্সিতং ৱোস্সগ্গপৰিণামিং…পে… এৱং খো, ভিক্খৱে, ভিক্খু সত্ত বোজ্ঝঙ্গে ভাৱেন্তো সত্ত বোজ্ঝঙ্গে বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো’’তি. (যাৱ এসনা পাড়ি ৱিত্থাৰেতব্বা).

গঙ্গাপেয্যালৱগ্গো নৱমো.

তস্সুদ্দানং –

ছ পাচীনতো নিন্না, ছ নিন্না চ সমুদ্দতো;

দ্ৱেতে ছ দ্ৱাদস হোন্তি, ৱগ্গো তেন পৱুচ্চতীতি.