৬. দুতিযসমণব্ৰাহ্মণসুত্তং

১০৭৬. ‘‘যে হি কেচি, ভিক্খৱে, অতীতমদ্ধানং সমণা ৱা ব্ৰাহ্মণা ৱা যথাভূতং অভিসম্বুদ্ধং পকাসেসুং, সব্বে তে চত্তাৰি অৰিযসচ্চানি যথাভূতং অভিসম্বুদ্ধং পকাসেসুং. যে হি কেচি, ভিক্খৱে, অনাগতমদ্ধানং সমণা ৱা ব্ৰাহ্মণা ৱা যথাভূতং অভিসম্বুদ্ধং পকাসেস্সন্তি, সব্বে তে চত্তাৰি অৰিযসচ্চানি যথাভূতং অভিসম্বুদ্ধং পকাসেস্সন্তি. যে হি কেচি, ভিক্খৱে, এতৰহি সমণা ৱা ব্ৰাহ্মণা ৱা যথাভূতং অভিসম্বুদ্ধং পকাসেন্তি, সব্বে তে চত্তাৰি অৰিযসচ্চানি যথাভূতং অভিসম্বুদ্ধং পকাসেন্তি.

‘‘কতমানি চত্তাৰি? দুক্খং অৰিযসচ্চং…পে… দুক্খনিৰোধগামিনী পটিপদা অৰিযসচ্চং. যে হি কেচি, ভিক্খৱে, অতীতমদ্ধানং সমণা ৱা ব্ৰাহ্মণা ৱা যথাভূতং অভিসম্বুদ্ধং পকাসেসুং…পে… পকাসেস্সন্তি…পে… পকাসেন্তি, সব্বে তে ইমানি চত্তাৰি অৰিযসচ্চানি যথাভূতং অভিসম্বুদ্ধং পকাসেন্তি.

‘‘তস্মাতিহ, ভিক্খৱে, ‘ইদং দুক্খ’ন্তি যোগো কৰণীযো…পে… ‘অযং দুক্খনিৰোধগামিনী পটিপদা’তি যোগো কৰণীযো’’তি. ছট্ঠং.