১৬. দুক্কৰপঞ্হাসুত্তং

৩২৯. ‘‘কিং নু খো, আৱুসো সাৰিপুত্ত, ইমস্মিং ধম্মৱিনযে দুক্কৰ’’ন্তি? ‘‘পব্বজ্জা খো, আৱুসো, ইমস্মিং ধম্মৱিনযে দুক্কৰা’’তি. ‘‘পব্বজিতেন পনাৱুসো, কিং দুক্কৰ’’ন্তি? ‘‘পব্বজিতেন খো, আৱুসো, অভিৰতি দুক্কৰা’’তি. ‘‘অভিৰতেন পনাৱুসো, কিং দুক্কৰ’’ন্তি? ‘‘অভিৰতেন খো, আৱুসো, ধম্মানুধম্মপ্পটিপত্তি দুক্কৰা’’তি. ‘‘কীৱচিৰং পনাৱুসো, ধম্মানুধম্মপ্পটিপন্নো ভিক্খু অৰহং অস্সা’’তি? ‘‘নচিৰং, আৱুসো’’তি. সোড়সমং.

জম্বুখাদকসংযুত্তং সমত্তং.