১৭. সট্ঠিপেয্যালৱগ্গো

১. অজ্ঝত্তঅনিচ্চছন্দসুত্তং

১৬৮. ‘‘যং, ভিক্খৱে, অনিচ্চং, তত্ৰ ৱো ছন্দো পহাতব্বো. কিঞ্চ, ভিক্খৱে, অনিচ্চং? চক্খু, ভিক্খৱে, অনিচ্চং; তত্ৰ ৱো ছন্দো পহাতব্বো…পে… জিৱ্হা অনিচ্চা; তত্ৰ ৱো ছন্দো পহাতব্বো…পে… মনো অনিচ্চো; তত্ৰ ৱো ছন্দো পহাতব্বো. যং, ভিক্খৱে, অনিচ্চং, তত্ৰ ৱো ছন্দো পহাতব্বো’’তি.

২. অজ্ঝত্তঅনিচ্চৰাগসুত্তং

১৬৯. ‘‘যং, ভিক্খৱে, অনিচ্চং, তত্ৰ ৱো ৰাগো পহাতব্বো. কিঞ্চ, ভিক্খৱে, অনিচ্চং? চক্খু, ভিক্খৱে, অনিচ্চং; তত্ৰ ৱো ৰাগো পহাতব্বো…পে… জিৱ্হা অনিচ্চা; তত্ৰ ৱো ৰাগো পহাতব্বো…পে… মনো অনিচ্চো; তত্ৰ ৱো ৰাগো পহাতব্বো. যং, ভিক্খৱে, অনিচ্চং, তত্ৰ ৱো ৰাগো পহাতব্বো’’তি.

৩. অজ্ঝত্তঅনিচ্চছন্দৰাগসুত্তং

১৭০. ‘‘যং, ভিক্খৱে, অনিচ্চং, তত্ৰ ৱো ছন্দৰাগো পহাতব্বো. কিঞ্চ, ভিক্খৱে, অনিচ্চং? চক্খু, ভিক্খৱে, অনিচ্চং; তত্ৰ ৱো ছন্দৰাগো পহাতব্বো…পে… জিৱ্হা অনিচ্চা; তত্ৰ ৱো ছন্দৰাগো পহাতব্বো…পে… মনো অনিচ্চো; তত্ৰ ৱো ছন্দৰাগো পহাতব্বো. যং, ভিক্খৱে, অনিচ্চং, তত্ৰ ৱো ছন্দৰাগো পহাতব্বো’’তি.

৪-৬. দুক্খছন্দাদিসুত্তং

১৭১-১৭৩. ‘‘যং, ভিক্খৱে, দুক্খং, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. কিঞ্চ, ভিক্খৱে, দুক্খং? চক্খু, ভিক্খৱে, দুক্খং; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো…পে… জিৱ্হা দুক্খা…পে… মনো দুক্খো; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. যং, ভিক্খৱে, দুক্খং তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো’’তি.

৭-৯. অনত্তছন্দাদিসুত্তং

১৭৪-১৭৬. ‘‘যো, ভিক্খৱে, অনত্তা, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. কো চ, ভিক্খৱে, অনত্তা? চক্খু, ভিক্খৱে, অনত্তা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো…পে… জিৱ্হা অনত্তা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো…পে… মনো অনত্তা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. যো, ভিক্খৱে, অনত্তা তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো’’তি.

১০-১২. বাহিৰানিচ্চছন্দাদিসুত্তং

১৭৭-১৭৯. ‘‘যং, ভিক্খৱে, অনিচ্চং, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. কিঞ্চ, ভিক্খৱে, অনিচ্চং? ৰূপা, ভিক্খৱে, অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. সদ্দা অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. গন্ধা অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. ৰসা অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. ফোট্ঠব্বা অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. ধম্মা অনিচ্চা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. যং, ভিক্খৱে, অনিচ্চং তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো’’তি.

১৩-১৫. বাহিৰদুক্খছন্দাদিসুত্তং

১৮০-১৮২. ‘‘যং, ভিক্খৱে, দুক্খং, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. কিঞ্চ, ভিক্খৱে, দুক্খং? ৰূপা, ভিক্খৱে, দুক্খা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. সদ্দা… গন্ধা… ৰসা… ফোট্ঠব্বা… ধম্মা দুক্খা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. যং, ভিক্খৱে, দুক্খং, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো’’তি.

১৬-১৮. বাহিৰানত্তছন্দাদিসুত্তং

১৮৩-১৮৫. ‘‘যো, ভিক্খৱে, অনত্তা, তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. কো চ, ভিক্খৱে, অনত্তা? ৰূপা, ভিক্খৱে, অনত্তা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. সদ্দা… গন্ধা… ৰসা… ফোট্ঠব্বা… ধম্মা অনত্তা; তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো. যো, ভিক্খৱে, অনত্তা তত্ৰ ৱো ছন্দো পহাতব্বো, ৰাগো পহাতব্বো, ছন্দৰাগো পহাতব্বো’’তি.

১৯. অজ্ঝত্তাতীতানিচ্চসুত্তং

১৮৬. ‘‘চক্খু, ভিক্খৱে, অনিচ্চং অতীতং…পে… জিৱ্হা অনিচ্চা অতীতা…পে… মনো অনিচ্চো অতীতো. এৱং পস্সং, ভিক্খৱে, সুতৱা অৰিযসাৱকো চক্খুস্মিম্পি নিব্বিন্দতি…পে… জিৱ্হাযপি নিব্বিন্দতি…পে… মনস্মিম্পি নিব্বিন্দতি. নিব্বিন্দং ৱিৰজ্জতি; ৱিৰাগা ৱিমুচ্চতি; ৱিমুত্তস্মিং ৱিমুত্তমিতি ঞাণং হোতি. ‘খীণা জাতি, ৱুসিতং ব্ৰহ্মচৰিযং, কতং কৰণীযং, নাপৰং ইত্থত্তাযা’তি পজানাতী’’তি.

২০. অজ্ঝত্তানাগতানিচ্চসুত্তং

১৮৭. ‘‘চক্খু, ভিক্খৱে, অনিচ্চং অনাগতং…পে… জিৱ্হা অনিচ্চা অনাগতা…পে… মনো অনিচ্চো অনাগতো. এৱং পস্সং…পে… নাপৰং ইত্থত্তাযাতি পজানাতী’’তি.

২১. অজ্ঝত্তপচ্চুপ্পন্নানিচ্চসুত্তং

১৮৮. ‘‘চক্খু, ভিক্খৱে, অনিচ্চং পচ্চুপ্পন্নং…পে… জিৱ্হা অনিচ্চা পচ্চুপ্পন্না…পে… মনো অনিচ্চো পচ্চুপ্পন্নো. এৱং পস্সং…পে… নাপৰং ইত্থত্তাযাতি পজানাতী’’তি.

২২-২৪. অজ্ঝত্তাতীতাদিদুক্খসুত্তং

১৮৯-১৯১. ‘‘চক্খু, ভিক্খৱে, দুক্খং অতীতং অনাগতং পচ্চুপ্পন্নং…পে… জিৱ্হা দুক্খা অতীতা অনাগতা পচ্চুপ্পন্না…পে… মনো দুক্খো অতীতো অনাগতো পচ্চুপ্পন্নো. এৱং পস্সং, ভিক্খৱে…পে… নাপৰং ইত্থত্তাযাতি পজানাতী’’তি.

২৫-২৭. অজ্ঝত্তাতীতাদিঅনত্তসুত্তং

১৯২-১৯৪. ‘‘চক্খু, ভিক্খৱে, অনত্তা অতীতং অনাগতং পচ্চুপ্পন্নং…পে… জিৱ্হা অনত্তা…পে… মনো অনত্তা অতীতো অনাগতো পচ্চুপ্পন্নো. এৱং পস্সং…পে… নাপৰং ইত্থত্তাযাতি পজানাতী’’তি.

২৮-৩০. বাহিৰাতীতাদিঅনিচ্চসুত্তং

১৯৫-১৯৭. ‘‘ৰূপা, ভিক্খৱে, অনিচ্চা অতীতা অনাগতা পচ্চুপ্পন্না. সদ্দা… গন্ধা… ৰসা… ফোট্ঠব্বা… ধম্মা অনিচ্চা অতীতা অনাগতা পচ্চুপ্পন্না. এৱং পস্সং…পে… নাপৰং ইত্থত্তাযাতি পজানাতী’’তি.

৩১-৩৩. বাহিৰাতীতাদিদুক্খসুত্তং

১৯৮-২০০. ‘‘ৰূপা, ভিক্খৱে, দুক্খা অতীতা অনাগতা পচ্চুপ্পন্না. সদ্দা… গন্ধা… ৰসা… ফোট্ঠব্বা… ধম্মা দুক্খা অতীতা অনাগতা পচ্চুপ্পন্না. এৱং পস্সং…পে… নাপৰং ইত্থত্তাযাতি পজানাতী’’তি.

৩৪-৩৬. বাহিৰাতীতাদিঅনত্তসুত্তং

২০১-২০৩. ‘‘ৰূপা, ভিক্খৱে, অনত্তা অতীতা অনাগতা পচ্চুপ্পন্না. সদ্দা… গন্ধা… ৰসা… ফোট্ঠব্বা… ধম্মা অনত্তা অতীতা অনাগতা পচ্চুপ্পন্না. এৱং পস্সং…পে… নাপৰং ইত্থত্তাযাতি পজানাতী’’তি.

৩৭. অজ্ঝত্তাতীতযদনিচ্চসুত্তং

২০৪. ‘‘চক্খু, ভিক্খৱে, অনিচ্চং অতীতং. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… জিৱ্হা অনিচ্চা অতীতা. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… মনো অনিচ্চো অতীতো. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৩৮. অজ্ঝত্তানাগতযদনিচ্চসুত্তং

২০৫. ‘‘চক্খু, ভিক্খৱে, অনিচ্চং অনাগতং. যদনিচ্চং, তং দুক্খং. যং দুক্খং, তদনত্তা. যদনত্তা তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… জিৱ্হা অনিচ্চা অনাগতা. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… মনো অনিচ্চো অনাগতো. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং, ভিক্খৱে…পে… নাপৰং ইত্থত্তাযাতি পজানাতী’’তি.

৩৯. অজ্ঝত্তপচ্চুপ্পন্নযদনিচ্চসুত্তং

২০৬. ‘‘চক্খু, ভিক্খৱে, অনিচ্চং পচ্চুপ্পন্নং. যদনিচ্চং, তং দুক্খং. যং দুক্খং, তদনত্তা. যদনত্তা তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… জিৱ্হা অনিচ্চা পচ্চুপ্পন্না. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… মনো অনিচ্চো পচ্চুপ্পন্নো. যদনিচ্চং তং দুক্খং. যং দুক্খং তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৪০-৪২. অজ্ঝত্তাতীতাদিযংদুক্খসুত্তং

২০৭-২০৯. ‘‘চক্খু, ভিক্খৱে, দুক্খং অতীতং অনাগতং পচ্চুপ্পন্নং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… জিৱ্হা দুক্খা…পে… মনো দুক্খো অতীতো অনাগতো পচ্চুপ্পন্নো. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৪৩-৪৫. অজ্ঝত্তাতীতাদিযদনত্তসুত্তং

২১০-২১২. ‘‘চক্খু, ভিক্খৱে, অনত্তা অতীতং অনাগতং পচ্চুপ্পন্নং. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং…পে… জিৱ্হা অনত্তা…পে… মনো অনত্তা অতীতো অনাগতো পচ্চুপ্পন্নো. যদনত্তা তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৪৬-৪৮. বাহিৰাতীতাদিযদনিচ্চসুত্তং

২১৩-২১৫. ‘‘ৰূপা, ভিক্খৱে, অনিচ্চা অতীতা অনাগতা পচ্চুপ্পন্না. যদনিচ্চং, তং দুক্খং. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. সদ্দা… গন্ধা… ৰসা… ফোট্ঠব্বা… ধম্মা অনিচ্চা অতীতা অনাগতা পচ্চুপ্পন্না. যদনিচ্চং তং দুক্খং. যং দুক্খং তদনত্তা. যদনত্তা তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৪৯-৫১. বাহিৰাতীতাদিযংদুক্খসুত্তং

২১৬-২১৮. ‘‘ৰূপা, ভিক্খৱে, দুক্খা অতীতা অনাগতা পচ্চুপ্পন্না. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. সদ্দা… গন্ধা… ৰসা… ফোট্ঠব্বা… ধম্মা দুক্খা অতীতা অনাগতা পচ্চুপ্পন্না. যং দুক্খং, তদনত্তা. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৫২-৫৪. বাহিৰাতীতাদিযদনত্তসুত্তং

২১৯-২২১. ‘‘ৰূপা, ভিক্খৱে, অনত্তা অতীতা অনাগতা পচ্চুপ্পন্না. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. সদ্দা… গন্ধা… ৰসা… ফোট্ঠব্বা… ধম্মা অনত্তা অতীতা অনাগতা পচ্চুপ্পন্না. যদনত্তা, তং ‘নেতং মম, নেসোহমস্মি, ন মেসো অত্তা’তি এৱমেতং যথাভূতং সম্মপ্পঞ্ঞায দট্ঠব্বং. এৱং পস্সং…পে… নাপৰং ইত্থত্তাযাতি পজানাতী’’তি.

৫৫. অজ্ঝত্তাযতনঅনিচ্চসুত্তং

২২২. ‘‘চক্খু, ভিক্খৱে, অনিচ্চং…পে… জিৱ্হা অনিচ্চা…পে… মনো অনিচ্চো. এৱং পস্সং…পে… নাপৰং ইত্থত্তাযাতি পজানাতী’’তি.

৫৬. অজ্ঝত্তাযতনদুক্খসুত্তং

২২৩. ‘‘চক্খু, ভিক্খৱে, দুক্খং…পে… জিৱ্হা দুক্খা…পে… মনো দুক্খো. এৱং পস্সং…পে… নাপৰং ইত্থত্তাযাতি পজানাতী’’তি.

৫৭. অজ্ঝত্তাযতনঅনত্তসুত্তং

২২৪. ‘‘চক্খু, ভিক্খৱে, অনত্তা…পে… জিৱ্হা অনত্তা…পে… মনো অনত্তা. এৱং পস্সং…পে… নাপৰং ইত্থত্তাযাতি পজানাতী’’তি.

৫৮. বাহিৰাযতনঅনিচ্চসুত্তং

২২৫. ‘‘ৰূপা, ভিক্খৱে, অনিচ্চা. সদ্দা… গন্ধা… ৰসা… ফোট্ঠব্বা… ধম্মা অনিচ্চা. এৱং পস্সং…পে… নাপৰং ইত্থত্তাযাতি পজানাতী’’তি.

৫৯. বাহিৰাযতনদুক্খসুত্তং

২২৬. ‘‘ৰূপা, ভিক্খৱে, দুক্খা. সদ্দা… গন্ধা… ৰসা… ফোট্ঠব্বা… ধম্মা দুক্খা. এৱং পস্সং…পে… নাপৰং ইত্থত্তাযাতি পজানাতী’’তি.

৬০. বাহিৰাযতনঅনত্তসুত্তং

২২৭. ‘‘ৰূপা, ভিক্খৱে, অনত্তা. সদ্দা… গন্ধা… ৰসা… ফোট্ঠব্বা… ধম্মা অনত্তা. এৱং পস্সং…পে… নাপৰং ইত্থত্তাযাতি পজানাতী’’তি.

সট্ঠিপেয্যালৱগ্গো সত্তৰসমো.

তস্সুদ্দানং –

ছন্দেনট্ঠাৰস হোন্তি, অতীতেন চ দ্ৱে নৱ;

যদনিচ্চাট্ঠাৰস ৱুত্তা, তযো অজ্ঝত্তবাহিৰা;

পেয্যালো সট্ঠিকো ৱুত্তো, বুদ্ধেনাদিচ্চবন্ধুনাতি.

সুত্তন্তানি সট্ঠি.