১১. পভঙ্গুসুত্তং

৩২. সাৱত্থিনিদানং. ‘‘পভঙ্গুঞ্চ, ভিক্খৱে, দেসেস্সামি অপ্পভঙ্গুঞ্চ. তং সুণাথ. কিঞ্চ, ভিক্খৱে, পভঙ্গু, কিং অপ্পভঙ্গু? ৰূপং, ভিক্খৱে, পভঙ্গু. যো তস্স নিৰোধো ৱূপসমো অত্থঙ্গমো, ইদং অপ্পভঙ্গু. ৱেদনা পভঙ্গু. যো তস্সা নিৰোধো ৱূপসমো অত্থঙ্গমো, ইদং অপ্পভঙ্গু. সঞ্ঞা পভঙ্গু… সঙ্খাৰা পভঙ্গু. যো তেসং নিৰোধো ৱূপসমো অত্থঙ্গমো, ইদং অপ্পভঙ্গু. ৱিঞ্ঞাণং পভঙ্গু. যো তস্স নিৰোধো ৱূপসমো অত্থঙ্গমো, ইদং অপ্পভঙ্গূ’’তি. একাদসমং.

ভাৰৱগ্গো ততিযো.

তস্সুদ্দানং –

ভাৰং পৰিঞ্ঞং অভিজানং, ছন্দৰাগং চতুত্থকং;

অস্সাদা চ তযো ৱুত্তা, অভিনন্দনমট্ঠমং;

উপ্পাদং অঘমূলঞ্চ, একাদসমো পভঙ্গূতি.