৯. দুতিযঅভিনিৱেসসুত্তং

১৫৮. সাৱত্থিনিদানং. ‘‘কিস্মিং নু খো, ভিক্খৱে, সতি, কিং উপাদায, কিং অভিনিৱিস্স উপ্পজ্জন্তি সংযোজনাভিনিৱেসৱিনিবন্ধাজ্ঝোসানা’’তি? [ৱিনিবন্ধা অজ্ঝোসানাতি (সী. ক.)] ভগৱংমূলকা নো, ভন্তে, ধম্মা…পে… ‘‘ৰূপে খো, ভিক্খৱে, সতি, ৰূপং উপাদায, ৰূপং অভিনিৱিস্স উপ্পজ্জন্তি সংযোজনাভিনিৱেসৱিনিবন্ধাজ্ঝোসানা. ৱেদনায সতি … সঞ্ঞায সতি… সঙ্খাৰেসু সতি… ৱিঞ্ঞাণে সতি, ৱিঞ্ঞাণং উপাদায, ৱিঞ্ঞাণং অভিনিৱিস্স উপ্পজ্জন্তি সংযোজনাভিনিৱেসৱিনিবন্ধাজ্ঝোসানা. তং কিং মঞ্ঞথ, ভিক্খৱে, ৰূপং নিচ্চং ৱা অনিচ্চং ৱা’’তি? ‘‘অনিচ্চং, ভন্তে’’. ‘‘যং পনানিচ্চং…পে… অপি নু তং অনুপাদায উপ্পজ্জেয্যুং সংযোজনাভিনিৱেসৱিনিবন্ধাজ্ঝোসানা’’তি? ‘‘নো হেতং, ভন্তে’’…পে… ‘‘এৱং পস্সং…পে… নাপৰং ইত্থত্তাযাতি পজানাতী’’তি. নৱমং.