৯. অন্তৰপেয্যালং

১. সত্থুসুত্তং

৭৩. সাৱত্থিযং ৱিহৰতি…পে… ‘‘জৰামৰণং, ভিক্খৱে, অজানতা অপস্সতা যথাভূতং জৰামৰণে যথাভূতং ঞাণায সত্থা পৰিযেসিতব্বো; জৰামৰণসমুদযং অজানতা অপস্সতা যথাভূতং জৰামৰণসমুদযে যথাভূতং ঞাণায সত্থা পৰিযেসিতব্বো; জৰামৰণনিৰোধং অজানতা অপস্সতা যথাভূতং জৰামৰণনিৰোধে যথাভূতং ঞাণায সত্থা পৰিযেসিতব্বো; জৰামৰণনিৰোধগামিনিং পটিপদং অজানতা অপস্সতা যথাভূতং জৰামৰণনিৰোধগামিনিযা পটিপদায যথাভূতং ঞাণায সত্থা পৰিযেসিতব্বো’’তি. (সুত্তন্তো একো). পঠমং.

(সব্বেসং পেয্যালো এৱং ৱিত্থাৰেতব্বো)

২-১১. দুতিযসত্থুসুত্তাদিদসকং

(২) জাতিং, ভিক্খৱে, অজানতা অপস্সতা যথাভূতং…পে….

(৩) ভৱং, ভিক্খৱে, অজানতা অপস্সতা যথাভূতং…পে….

(৪) উপাদানং, ভিক্খৱে, অজানতা অপস্সতা যথাভূতং…পে….

(৫) তণ্হং, ভিক্খৱে, অজানতা অপস্সতা যথাভূতং…পে….

(৬) ৱেদনং, ভিক্খৱে, অজানতা অপস্সতা যথাভূতং…পে….

(৭) ফস্সং, ভিক্খৱে, অজানতা অপস্সতা যথাভূতং…পে….

(৮) সড়াযতনং, ভিক্খৱে, অজানতা অপস্সতা যথাভূতং…পে….

(৯) নামৰূপং, ভিক্খৱে, অজানতা অপস্সতা যথাভূতং…পে….

(১০) ৱিঞ্ঞাণং, ভিক্খৱে, অজানতা অপস্সতা যথাভূতং…পে….

(১১) ‘‘সঙ্খাৰে, ভিক্খৱে, অজানতা অপস্সতা যথাভূতং সঙ্খাৰেসু যথাভূতং ঞাণায সত্থা পৰিযেসিতব্বো; সঙ্খাৰসমুদযং অজানতা অপস্সতা যথাভূতং সঙ্খাৰসমুদযে যথাভূতং ঞাণায সত্থা পৰিযেসিতব্বো; সঙ্খাৰনিৰোধং অজানতা অপস্সতা যথাভূতং সঙ্খাৰনিৰোধে যথাভূতং ঞাণায সত্থা পৰিযেসিতব্বো; সঙ্খাৰনিৰোধগামিনিং পটিপদং অজানতা অপস্সতা যথাভূতং সঙ্খাৰনিৰোধগামিনিযা পটিপদায যথাভূতং ঞাণায সত্থা পৰিযেসিতব্বো’’তি. একাদসমং.

(সব্বেসং চতুসচ্চিকং কাতব্বং).

২-১২. সিক্খাসুত্তাদিপেয্যালএকাদসকং

(২) ‘‘জৰামৰণং, ভিক্খৱে, অজানতা অপস্সতা যথাভূতং জৰামৰণে যথাভূতং ঞাণায সিক্খা কৰণীযা.

(পেয্যালো. চতুসচ্চিকং কাতব্বং).

(৩) জৰামৰণং, ভিক্খৱে, অজানতা…পে… যোগো কৰণীযো…পে….

(৪) জৰামৰণং, ভিক্খৱে, অজানতা…পে… ছন্দো কৰণীযো…পে….

(৫) জৰামৰণং, ভিক্খৱে, অজানতা…পে… উস্সোড়্হী কৰণীযা…পে….

(৬) জৰামৰণং, ভিক্খৱে, অজানতা…পে… অপ্পটিৱানী কৰণীযা…পে….

(৭) জৰামৰণং, ভিক্খৱে, অজানতা…পে… আতপ্পং কৰণীযং…পে….

(৮) জৰামৰণং, ভিক্খৱে, অজানতা…পে… ৱীৰিযং কৰণীযং…পে….

(৯) জৰামৰণং, ভিক্খৱে, অজানতা…পে… সাতচ্চং কৰণীযং…পে….

(১০) জৰামৰণং, ভিক্খৱে, অজানতা…পে… সতি কৰণীযা…পে….

(১১) জৰামৰণং, ভিক্খৱে, অজানতা…পে… সম্পজঞ্ঞং কৰণীযং…পে….

(১২) জৰামৰণং, ভিক্খৱে, অজানতা…পে… অপ্পমাদো কৰণীযো…পে….

অন্তৰপেয্যালো নৱমো.

তস্সুদ্দানং –

সত্থা সিক্খা চ যোগো চ, ছন্দো উস্সোড়্হিপঞ্চমী;

অপ্পটিৱানি আতপ্পং, ৱীৰিযং সাতচ্চমুচ্চতি;

সতি চ সম্পজঞ্ঞঞ্চ, অপ্পমাদেন দ্ৱাদসাতি.

সুত্তন্তা অন্তৰপেয্যালা নিট্ঠিতা.

পৰে তে দ্ৱাদস হোন্তি, সুত্তা দ্ৱত্তিংস সতানি;

চতুসচ্চেন তে ৱুত্তা, পেয্যালঅন্তৰম্হি যেতি [পেয্যালা অন্তৰম্হি যেতি (সী. স্যা. কং.)].

অন্তৰপেয্যালেসু উদ্দানং সমত্তং.

নিদানসংযুত্তং সমত্তং.