৮. সমণব্ৰাহ্মণৱগ্গো

১. জৰামৰণসুত্তং

৭১. এৱং মে সুতং – একং সমযং ভগৱা সাৱত্থিযং ৱিহৰতি জেতৱনে অনাথপিণ্ডিকস্স আৰামে. তত্ৰ খো ভগৱা…পে… ‘‘যে হি কেচি, ভিক্খৱে, সমণা ৱা ব্ৰাহ্মণা ৱা জৰামৰণং নপ্পজানন্তি, জৰামৰণসমুদযং নপ্পজানন্তি, জৰামৰণনিৰোধং নপ্পজানন্তি, জৰামৰণনিৰোধগামিনিং পটিপদং নপ্পজানন্তি, ন মে তে, ভিক্খৱে, সমণা ৱা ব্ৰাহ্মণা ৱা সমণেসু ৱা সমণসম্মতা ব্ৰাহ্মণেসু ৱা ব্ৰাহ্মণসম্মতা, ন চ পন তে আযস্মন্তো সামঞ্ঞত্থং ৱা ব্ৰহ্মঞ্ঞত্থং ৱা দিট্ঠেৱ ধম্মে সযং অভিঞ্ঞা সচ্ছিকত্ৱা উপসম্পজ্জ ৱিহৰন্তি.

‘‘যে চ খো কেচি, ভিক্খৱে, সমণা ৱা ব্ৰাহ্মণা ৱা জৰামৰণং পজানন্তি…পে… পটিপদং পজানন্তি, তে খো মে, ভিক্খৱে, সমণা ৱা ব্ৰাহ্মণা ৱা সমণেসু চেৱ সমণসম্মতা ব্ৰাহ্মণেসু চ ব্ৰাহ্মণসম্মতা, তে চ পনাযস্মন্তো সামঞ্ঞত্থঞ্চ ব্ৰহ্মঞ্ঞত্থঞ্চ দিট্ঠেৱ ধম্মে সযং অভিঞ্ঞা সচ্ছিকত্ৱা উপসম্পজ্জ ৱিহৰন্তী’’তি. (সুত্তন্তো একো). পঠমং.

২-১১. জাতিসুত্তাদিদসকং

৭২. সাৱত্থিযং ৱিহৰতি…পে… জাতিং নপ্পজানন্তি…পে….

(৩) ভৱং নপ্পজানন্তি…পে….

(৪) উপাদানং নপ্পজানন্তি…পে….

(৫) তণ্হং নপ্পজানন্তি…পে….

(৬) ৱেদনং নপ্পজানন্তি…পে….

(৭) ফস্সং নপ্পজানন্তি…পে….

(৮) সড়াযতনং নপ্পজানন্তি…পে….

(৯) নামৰূপং নপ্পজানন্তি…পে….

(১০) ৱিঞ্ঞাণং নপ্পজানন্তি…পে….

(১১) ‘‘সঙ্খাৰে নপ্পজানন্তি, সঙ্খাৰসমুদযং নপ্পজানন্তি, সঙ্খাৰনিৰোধং নপ্পজানন্তি, সঙ্খাৰনিৰোধগামিনিং পটিপদং নপ্পজানন্তি…পে… সঙ্খাৰে পজানন্তি…পে… সযং অভিঞ্ঞা সচ্ছিকত্ৱা উপসম্পজ্জ ৱিহৰন্তী’’তি. একাদসমং.

সমণব্ৰাহ্মণৱগ্গো অট্ঠমো.

তস্সুদ্দানং –

পচ্চযেকাদস ৱুত্তা, চতুসচ্চৱিভজ্জনা;

সমণব্ৰাহ্মণৱগ্গো, নিদানে ভৱতি অট্ঠমো.

ৱগ্গুদ্দানং –

বুদ্ধো আহাৰো দসবলো, কড়াৰো গহপতিপঞ্চমো;

দুক্খৱগ্গো মহাৱগ্গো, অট্ঠমো সমণব্ৰাহ্মণোতি.