২. ৱিমলাথেৰীগাথা

৭২. ‘‘মত্তা ৱণ্ণেন ৰূপেন, সোভগ্গেন যসেন চ;

যোব্বনেন চুপত্থদ্ধা, অঞ্ঞাসমতিমঞ্ঞিহং.

৭৩. ‘‘ৱিভূসেত্ৱা ইমং কাযং, সুচিত্তং বাললাপনং;

অট্ঠাসিং ৱেসিদ্ৱাৰম্হি, লুদ্দো পাসমিৱোড্ডিয.

৭৪. ‘‘পিলন্ধনং ৱিদংসেন্তী, গুয্হং পকাসিকং বহুং;

অকাসিং ৱিৱিধং মাযং, উজ্জগ্ঘন্তী বহুং জনং.

৭৫. ‘‘সাজ্জ পিণ্ডং চৰিত্ৱান, মুণ্ডা সঙ্ঘাটিপাৰুতা;

নিসিন্না ৰুক্খমূলম্হি, অৱিতক্কস্স লাভিনী.

৭৬. ‘‘সব্বে যোগা সমুচ্ছিন্না, যে দিব্বা যে চ মানুসা;

খেপেত্ৱা আসৱে সব্বে, সীতিভূতাম্হি নিব্বুতা’’তি.

… ৱিমলা পুৰাণগণিকা থেৰী….