৪. সঙ্কমনত্থাথেৰীঅপদানং

৩১. ‘‘ৱিপস্সিস্স ভগৱতো [কোণ্ডঞ্ঞস্স ভগৱতো (স্যা. পী.)], লোকজেট্ঠস্স তাদিনো;

ৰথিযং পটিপন্নস্স, তাৰযন্তস্স পাণিনো.

৩২. ‘‘ঘৰতো নিক্খমিত্ৱান, অৱকুজ্জা নিপজ্জহং;

অনুকম্পকো লোকনাথো, সিৰসি [সীসন্তে (সী. ক.)] অক্কমী মম [তদা (স্যা. পী.)].

৩৩. ‘‘অক্কমিত্ৱান সিৰসি [সম্বুদ্ধো (ক.)], অগমা লোকনাযকো;

তেন চিত্তপ্পসাদেন, তুসিতং অগমাসহং.

৩৪. ‘‘কিলেসা ঝাপিতা ময্হং…পে… ৱিহৰামি অনাসৱা.

৩৫. ‘‘স্ৱাগতং ৱত মে আসি…পে… কতং বুদ্ধস্স সাসনং.

৩৬. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং সঙ্কমনত্থা [সঙ্কমনদা (স্যা.)] ভিক্খুনী ইমা গাথাযো অভাসিত্থাতি.

সঙ্কমনত্থাথেৰিযাপদানং চতুত্থং.