১১. সোণকুটিকণ্ণত্থেৰগাথা

৩৬৫. ‘‘উপসম্পদা চ মে লদ্ধা, ৱিমুত্তো চম্হি অনাসৱো;

সো চ মে ভগৱা দিট্ঠো, ৱিহাৰে চ সহাৱসিং.

৩৬৬. ‘‘বহুদেৱ ৰত্তিং ভগৱা, অব্ভোকাসেতিনামযি;

ৱিহাৰকুসলো সত্থা, ৱিহাৰং পাৱিসী তদা.

৩৬৭. ‘‘সন্থৰিত্ৱান সঙ্ঘাটিং, সেয্যং কপ্পেসি গোতমো;

সীহো সেলগুহাযংৱ, পহীনভযভেৰৱো.

৩৬৮. ‘‘ততো কল্যাণৱাক্কৰণো, সম্মাসম্বুদ্ধসাৱকো;

সোণো অভাসি সদ্ধম্মং, বুদ্ধসেট্ঠস্স সম্মুখা.

৩৬৯. ‘‘পঞ্চক্খন্ধে পৰিঞ্ঞায, ভাৱযিত্ৱান অঞ্জসং;

পপ্পুয্য পৰমং সন্তিং, পৰিনিব্বিস্সত্যনাসৱো’’তি.

… সোণো কুটিকণ্ণথেৰো….