৬. ঞাণৰাসিছক্কনিদ্দেসো

১৮৩. কতমানি চতুৱীসতি সমাধিৱসেন ঞাণানি? দীঘং অস্সাসৱসেন চিত্তস্স একগ্গতা অৱিক্খেপো সমাধি, দীঘং পস্সাসৱসেন চিত্তস্স একগ্গতা অৱিক্খেপো সমাধি…পে… ৱিমোচযং চিত্তং অস্সাসৱসেন চিত্তস্স একগ্গতা অৱিক্খেপো সমাধি, ৱিমোচযং চিত্তং পস্সাসৱসেন চিত্তস্স একগ্গতা অৱিক্খেপো সমাধি. ইমানি চতুৱীসতি সমাধিৱসেন ঞাণানি.

কতমানি দ্ৱেসত্ততি ৱিপস্সনাৱসেন ঞাণানি? দীঘং অস্সাসং অনিচ্চতো অনুপস্সনট্ঠেন ৱিপস্সনা, দুক্খতো অনুপস্সনট্ঠেন ৱিপস্সনা, অনত্ততো অনুপস্সনট্ঠেন ৱিপস্সনা, দীঘং পস্সাসং অনিচ্চতো অনুপস্সনট্ঠেন ৱিপস্সনা, দুক্খতো অনুপস্সনট্ঠেন ৱিপস্সনা, অনত্ততো অনুপস্সনট্ঠেন ৱিপস্সনা…পে… ৱিমোচযং চিত্তং অস্সাসং, ৱিমোচযং চিত্তং পস্সাসং অনিচ্চতো অনুপস্সনট্ঠেন ৱিপস্সনা, দুক্খতো অনুপস্সনট্ঠেন ৱিপস্সনা, অনত্ততো অনুপস্সনট্ঠেন ৱিপস্সনা. ইমানি দ্ৱেসত্ততি ৱিপস্সনাৱসেন ঞাণানি.

কতমানি অট্ঠ নিব্বিদাঞাণানি? অনিচ্চানুপস্সী অস্সাসং যথাভূতং জানাতি পস্সতীতি – নিব্বিদাঞাণং, অনিচ্চানুপস্সী পস্সাসং যথাভূতং জানাতি পস্সতীতি – নিব্বিদাঞাণং…পে… পটিনিস্সগ্গানুপস্সী অস্সাসং যথাভূতং জানাতি পস্সতীতি – নিব্বিদাঞাণং, পটিনিস্সগ্গানুপস্সী পস্সাসং যথাভূতং জানাতি পস্সতীতি – নিব্বিদাঞাণং. ইমানি অট্ঠ নিব্বিদাঞাণানি.

কতমানি অট্ঠ নিব্বিদানুলোমে ঞাণানি? অনিচ্চানুপস্সী অস্সাসং ভযতুপট্ঠানে পঞ্ঞা নিব্বিদানুলোমে ঞাণং, অনিচ্চানুপস্সী পস্সাসং ভযতুপট্ঠানে পঞ্ঞা নিব্বিদানুলোমে ঞাণং…পে… পটিনিস্সগ্গানুপস্সী অস্সাসং ভযতুপট্ঠানে পঞ্ঞা নিব্বিদানুলোমে ঞাণং, পটিনিস্সগ্গানুপস্সী পস্সাসং ভযতুপট্ঠানে পঞ্ঞা নিব্বিদানুলোমে ঞাণং – ইমানি অট্ঠ নিব্বিদানুলোমে ঞাণানি.

কতমানি অট্ঠ নিব্বিদাপটিপ্পস্সদ্ধিঞাণানি? অনিচ্চানুপস্সী অস্সাসং পটিসঙ্খা সন্তিট্ঠনা পঞ্ঞা নিব্বিদাপটিপ্পস্সদ্ধিঞাণং, অনিচ্চানুপস্সী পস্সাসং পটিসঙ্খা সন্তিট্ঠনা পঞ্ঞা নিব্বিদাপটিপ্পস্সদ্ধিঞাণং…পে… পটিনিস্সগ্গানুপস্সী অস্সাসং পটিসঙ্খা সন্তিট্ঠনা পঞ্ঞা নিব্বিদাপটিপ্পস্সদ্ধিঞাণং, পটিনিস্সগ্গানুপস্সী পস্সাসং পটিসঙ্খা সন্তিট্ঠনা পঞ্ঞা নিব্বিদাপটিপ্পস্সদ্ধিঞাণং – ইমানি অট্ঠ নিব্বিদাপটিপ্পস্সদ্ধিঞাণানি.

কতমানি একৱীসতি ৱিমুত্তিসুখে ঞাণানি? সোতাপত্তিমগ্গেন সক্কাযদিট্ঠিযা পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং, ৱিচিকিচ্ছায পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং, সীলব্বতপৰামাসস্স…পে… দিট্ঠানুসযস্স, ৱিচিকিচ্ছানুসযস্স পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং, সকদাগামিমগ্গেন ওড়াৰিকস্স, কামৰাগসঞ্ঞোজনস্স…পে… পটিঘসঞ্ঞোজনস্স, ওড়াৰিকস্স কামৰাগানুসযস্স, পটিঘানুসযস্স পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং, অনাগামিমগ্গেন অনুসহগতস্স কামৰাগসঞ্ঞোজনস্স…পে… পটিঘসঞ্ঞোজনস্স, অনুসহগতস্স কামৰাগানুসযস্স, পটিঘানুসযস্স পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং, অৰহত্তমগ্গেন, ৰূপৰাগস্স…পে… অৰূপৰাগস্স, মানস্স, উদ্ধচ্চস্স, অৱিজ্জায, মানানুসযস্স, ভৱৰাগানুসযস্স, অৱিজ্জানুসযস্স পহীনত্তা সমুচ্ছিন্নত্তা উপ্পজ্জতি ৱিমুত্তিসুখে ঞাণং. ইমানি একৱীসতি ৱিমুত্তিসুখে ঞাণানি. সোড়সৱত্থুকং আনাপানস্সতিসমাধিং ভাৱযতো সমধিকানি ইমানি দ্ৱে ঞাণসতানি উপ্পজ্জন্তি.

ঞাণৰাসিছক্কনিদ্দেসো ছট্ঠো.

আনাপানস্সতিকথা [আনাপানকথা (স্যা. ক.)] নিট্ঠিতা.