৩. বুদ্ধস্স অনুত্তৰভাৱজাননপঞ্হো

৩. ৰাজা আহ ‘‘ভন্তে নাগসেন, সক্কা জানিতুং ‘বুদ্ধো অনুত্তৰো’’’তি? ‘‘আম, মহাৰাজ, সক্কা জানিতুং ‘ভগৱা অনুত্তৰো’’’তি. ‘‘কথং, ভন্তে নাগসেন, সক্কা জানিতুং ‘বুদ্ধো অনুত্তৰো’’’তি. ‘‘ভূতপুব্বং, মহাৰাজ, তিস্সত্থেৰো নাম লেখাচৰিযো অহোসি, বহূনি ৱস্সানি অব্ভতীতানি কালঙ্কতস্স কথং সো ঞাযতী’’তি. ‘‘লেখেন ভন্তে’’তি. ‘‘এৱমেৱ খো, মহাৰাজ, যো ধম্মং পস্সতি, সো ভগৱন্তং পস্সতি, ধম্মো হি, মহাৰাজ, ভগৱতা দেসিতো’’তি.

‘‘কল্লোসি, ভন্তে নাগসেনা’’তি.

বুদ্ধস্স অনুত্তৰভাৱজাননপঞ্হো ততিযো.