৩৩৬. ব্ৰহাছত্তজাতকং (৪-৪-৬)

১৪১. তিণং তিণন্তি লপসি, কো নু তে তিণমাহৰি;

কিং নু তে তিণকিচ্চত্থি, তিণমেৱ পভাসসি.

১৪২. ইধাগমা ব্ৰহ্মচাৰী, ব্ৰহা ছত্তো বহুস্সুতো;

সো মে [সো ৱে (ক.)] সব্বং সমাদায, তিণং নিক্খিপ্প গচ্ছতি.

১৪৩. এৱেতং হোতি কত্তব্বং, অপ্পেন বহুমিচ্ছতা;

সব্বং সকস্স আদানং, অনাদানং তিণস্স চ. ( ) [(তিণস্স চাটীসু গতো, তত্থ কা পৰিদেৱনা) (সী. স্যা.) (চাটীসু পক্খিপিত্ৱান, তত্থ কা পৰিদেৱনা) (ক.)]

১৪৪. সীলৱন্তো ন কুব্বন্তি, বালো সীলানি কুব্বতি;

অনিচ্চসীলং দুস্সীল্যং [দুস্সীলং (পী.)], কিং পণ্ডিচ্চং কৰিস্সতীতি.

ব্ৰহাছত্তজাতকং ছট্ঠং.