২৮০. পুটদূসকজাতকং (৩-৩-১০)

৮৮. অদ্ধা হি নূন মিগৰাজা, পুটকম্মস্স কোৱিদো;

তথা হি পুটং দূসেতি, অঞ্ঞং নূন কৰিস্সতি.

৮৯. ন মে মাতা ৱা পিতা ৱা, পুটকম্মস্স কোৱিদো;

কতং কতং খো দূসেম, এৱং ধম্মমিদং কুলং.

৯০. যেসং ৱো এদিসো ধম্মো, অধম্মো পন কীদিসো;

মা ৱো ধম্মং অধম্মং ৱা, অদ্দসাম কুদাচনন্তি.

পুটদূসকজাতকং দসমং.

উদপানৱগ্গো [অৰঞ্ঞৱগ্গো (সী. পী. ক.)] ততিযো.

তস্সুদ্দানং –

উদপানৱৰং ৱনব্যগ্ঘ কপি, সিখিনী চ বলাক ৰুচিৰৱৰো;

সুজনাধিপৰোমকদূস পুন, সতপত্তৱৰো পুটকম্ম দসাতি.