১৪. একৰাজচৰিযা

১১৪. ‘‘পুনাপৰং যদা হোমি, একৰাজাতি ৱিস্সুতো;

পৰমং সীলং অধিট্ঠায, পসাসামি মহামহিং.

১১৫. ‘‘দস কুসলকম্মপথে, ৱত্তামি অনৱসেসতো;

চতূহি সঙ্গহৱত্থূহি, সঙ্গণ্হামি [সঙ্গহামি (ক.)] মহাজনং.

১১৬. ‘‘এৱং মে অপ্পমত্তস্স, ইধ লোকে পৰত্থ চ;

দব্বসেনো উপগন্ত্ৱা, অচ্ছিন্দন্তো পুৰং মম.

১১৭. ‘‘ৰাজূপজীৱে নিগমে, সবলট্ঠে সৰট্ঠকে;

সব্বং হত্থগতং কত্ৱা, কাসুযা নিখণী মমং.

১১৮. ‘‘অমচ্চমণ্ডলং ৰজ্জং, ফীতং অন্তেপুৰং মম;

অচ্ছিন্দিত্ৱান গহিতং, পিযং পুত্তংৱ পস্সহং;

মেত্তায মে সমো নত্থি, এসা মে মেত্তাপাৰমী’’তি.

একৰাজচৰিযং চুদ্দসমং.