৯. সিৱকত্থেৰঅপদানং

১১৭. ‘‘এসনায চৰন্তস্স, ৱিপস্সিস্স মহেসিনো;

ৰিত্তকং পত্তং দিস্ৱান, কুম্মাসং পূৰযিং অহং.

১১৮. ‘‘একনৱুতিতো কপ্পে, যং ভিক্খমদদিং তদা;

দুগ্গতিং নাভিজানামি, কুম্মাসস্স ইদং ফলং.

১১৯. ‘‘কিলেসা ঝাপিতা ময্হং…পে… ৱিহৰামি অনাসৱো.

১২০. ‘‘স্ৱাগতং ৱত মে আসি…পে… কতং বুদ্ধস্স সাসনং.

১২১. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সিৱকত্থেৰো ইমা গাথাযো

অভাসিত্থাতি.

সিৱকত্থেৰস্সাপদানং নৱমং.