৪. সত্তপদুমিযত্থেৰঅপদানং

১৪. ‘‘নদীকূলে ৱসামহং, নেসাদো নাম ব্ৰাহ্মণো;

সতপত্তেহি পুপ্ফেহি, সম্মজ্জিত্ৱান অস্সমং.

১৫. ‘‘সুৱণ্ণৱণ্ণং সম্বুদ্ধং, সিদ্ধত্থং লোকনাযকং;

দিস্ৱা নভেন [ৱনেন (স্যা. ক.)] গচ্ছন্তং, হাসো মে উদপজ্জথ.

১৬. ‘‘পচ্চুগ্গন্ত্ৱান সম্বুদ্ধং, লোকজেট্ঠং নৰাসভং;

অস্সমং অতিনামেত্ৱা, জলজগ্গেহি ওকিৰিং.

১৭. ‘‘চতুন্নৱুতিতো কপ্পে, যং পুপ্ফমভিৰোপযিং;

দুগ্গতিং নাভিজানামি, বুদ্ধপূজাযিদং ফলং.

১৮. ‘‘ইতো তে সত্তমে কপ্পে, চতুৰো পাদপাৱৰা;

সত্তৰতনসম্পন্না, চক্কৱত্তী মহব্বলা.

১৯. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সত্তপদুমিযো থেৰো ইমা গাথাযো অভাসিত্থাতি.

সত্তপদুমিযত্থেৰস্সাপদানং চতুত্থং.