৫. পুপ্ফাসনদাযকত্থেৰঅপদানং

২০. ‘‘সুৱণ্ণৱণ্ণং সম্বুদ্ধং, পীতৰংসিংৱ [সতৰংসিংৱ (সী. স্যা.)] ভাণুমং;

অৱিদূৰেন গচ্ছন্তং, সিদ্ধত্থং অপৰাজিতং.

২১. ‘‘তস্স পচ্চুগ্গমিত্ৱান, পৱেসেত্ৱান অস্সমং;

পুপ্ফাসনং মযা দিন্নং, ৱিপ্পসন্নেন চেতসা.

২২. ‘‘অঞ্জলিং পগ্গহেত্ৱান, ৱেদজাতো তদা অহং;

বুদ্ধে চিত্তং পসাদেত্ৱা, তং কম্মং পৰিণামযিং.

২৩. ‘‘যং মে অত্থি কতং পুঞ্ঞং, সযম্ভুম্হপৰাজিতে;

সব্বেন তেন কুসলেন, ৱিমলো হোমি সাসনে.

২৪. ‘‘চতুন্নৱুতিতো কপ্পে, পুপ্ফাসনমদং তদা;

দুগ্গতিং নাভিজানামি, পুপ্ফাসনস্সিদং ফলং.

২৫. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পুপ্ফাসনদাযকো থেৰো ইমা গাথাযো অভাসিত্থাতি.

পুপ্ফাসনদাযকত্থেৰস্সাপদানং পঞ্চমং.