১০. পব্ভাৰদাযকত্থেৰঅপদানং

৪৭. ‘‘পিযদস্সিনো ভগৱতো, পব্ভাৰো সোধিতো মযা;

ঘটকঞ্চ উপট্ঠাসিং, পৰিভোগায তাদিনো.

৪৮. ‘‘তং মে বুদ্ধো ৱিযাকাসি, পিযদস্সী মহামুনি;

সহস্সকণ্ডো সতভেণ্ডু [সতগেণ্ডু (স্যা. ক.)], ধজালু হৰিতামযো.

৪৯. ‘‘নিব্বত্তিস্সতি সো যূপো, ৰতনঞ্চ অনপ্পকং;

পব্ভাৰদানং দত্ৱান, কপ্পং সগ্গম্হি মোদহং.

৫০. ‘‘ইতো বাত্তিংসকপ্পম্হি, সুসুদ্ধো নাম খত্তিযো;

সত্তৰতনসম্পন্নো, চক্কৱত্তী মহব্বলো.

৫১. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পব্ভাৰদাযকো থেৰো ইমা গাথাযো অভাসিত্থাতি.

পব্ভাৰদাযকত্থেৰস্সাপদানং দসমং.

পদুমকেসৰৱগ্গো একতিংসতিমো.