৩. খণ্ডপুল্লিযত্থেৰঅপদানং

১২. ‘‘ফুস্সস্স খো ভগৱতো, থূপো আসি মহাৱনে;

কুঞ্জৰেহি তদা ভিন্নো, পৰূড়্হো পাদপো [পৰূড়্হপাদপো (সী.), সংৰূড়্হো পাদপো (স্যা.)] তহিং.

১৩. ‘‘ৱিসমঞ্চ সমং কত্ৱা, সুধাপিণ্ডং অদাসহং;

তিলোকগৰুনো তস্স, গুণেহি পৰিতোসিতো [পৰিতো সুতো (ক.)].

১৪. ‘‘দ্ৱেনৱুতে ইতো কপ্পে, যং কম্মমকৰিং তদা;

দুগ্গতিং নাভিজানামি, সুধাপিণ্ডস্সিদং ফলং.

১৫. ‘‘সত্তসত্ততিকপ্পম্হি, জিতসেনাসুং সোড়স;

সত্তৰতনসম্পন্না, চক্কৱত্তী মহব্বলা.

১৬. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা খণ্ডফুল্লিযো থেৰো ইমা গাথাযো অভাসিত্থাতি.

খণ্ডপুল্লিযত্থেৰস্সাপদানং ততিযং.