৯. তিকিচ্ছকত্থেৰঅপদানং

৩৯. ‘‘নগৰে বন্ধুমতিযা, ৱেজ্জো আসিং সুসিক্খিতো;

আতুৰানং সদুক্খানং, মহাজনসুখাৱহো.

৪০. ‘‘ব্যাধিতং সমণং দিস্ৱা, সীলৱন্তং মহাজুতিং;

পসন্নচিত্তো সুমনো, ভেসজ্জমদদিং তদা.

৪১. ‘‘অৰোগো আসি তেনেৱ, সমণো সংৱুতিন্দ্ৰিযো;

অসোকো নাম নামেন, উপট্ঠাকো ৱিপস্সিনো.

৪২. ‘‘একনৱুতিতো কপ্পে, যং ওসধমদাসহং;

দুগ্গতিং নাভিজানামি, ভেসজ্জস্স ইদং ফলং.

৪৩. ‘‘ইতো চ অট্ঠমে কপ্পে, সব্বোসধসনামকো;

সত্তৰতনসম্পন্নো, চক্কৱত্তী মহব্বলো.

৪৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা তিকিচ্ছকো থেৰো ইমা গাথাযো অভাসিত্থাতি.

তিকিচ্ছকত্থেৰস্সাপদানং নৱমং.