১০. সঙ্ঘুপট্ঠাকত্থেৰঅপদানং

৪৫. ‘‘ৱেস্সভুম্হি ভগৱতি, অহোসাৰামিকো অহং;

পসন্নচিত্তো সুমনো, উপট্ঠিং সঙ্ঘমুত্তমং.

৪৬. ‘‘একত্তিংসে ইতো কপ্পে, যং কম্মমকৰিং তদা;

দুগ্গতিং নাভিজানামি, উপট্ঠানস্সিদং ফলং.

৪৭. ‘‘ইতো তে সত্তমে কপ্পে, সত্তেৱাসুং সমোদকা;

সত্তৰতনসম্পন্না, চক্কৱত্তী মহব্বলা.

৪৮. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সঙ্ঘুপট্ঠাকো থেৰো ইমা গাথাযো অভাসিত্থাতি.

সঙ্ঘুপট্ঠাকত্থেৰস্সাপদানং দসমং.

কুমুদৱগ্গো অট্ঠাৰসমো.