৯. সমাদপকত্থেৰঅপদানং

৪৪. ‘‘নগৰে বন্ধুমতিযা, মহাপূগগণো অহু;

তেসাহং পৱৰো আসিং, মম বদ্ধচৰা [পট্ঠচৰা (স্যা.)] চ তে.

৪৫. ‘‘সব্বে তে সন্নিপাতেত্ৱা, পুঞ্ঞকম্মে সমাদযিং;

মাড়ং কস্সাম সঙ্ঘস্স, পুঞ্ঞক্খেত্তং অনুত্তৰং.

৪৬. ‘‘সাধূতি তে পটিস্সুত্ৱা, মম ছন্দৱসানুগা;

নিট্ঠাপেত্ৱা চ তং মাড়ং, ৱিপস্সিস্স অদম্হসে.

৪৭. ‘‘একনৱুতিতো কপ্পে, যং মাড়মদদিং তদা;

দুগ্গতিং নাভিজানামি, মাড়দানস্সিদং ফলং.

৪৮. ‘‘একূনসত্ততিকপ্পে [একূনসট্ঠিকপ্পম্হি (সী. স্যা.)],

একো আসি জনাধিপো.

আদেয্যো নাম নামেন, চক্কৱত্তী মহব্বলো.

৪৯. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সমাদপকো থেৰো ইমা গাথাযো অভাসিত্থাতি.

সমাদপকত্থেৰস্সাপদানং নৱমং.