১০. পঞ্চঙ্গুলিযত্থেৰঅপদানং

৫০. ‘‘তিস্সো নামাসি ভগৱা, লোকজেট্ঠো নৰাসভো;

পৱিসতি গন্ধকুটিং, ৱিহাৰকুসলো মুনি.

৫১. ‘‘সুগন্ধমালমাদায, অগমাসিং জিনন্তিকং;

অপসদ্দো চ সম্বুদ্ধে, পঞ্চঙ্গুলিমদাসহং.

৫২. ‘‘দ্ৱেনৱুতে ইতো কপ্পে, যং গন্ধমভিৰোপযিং;

দুগ্গতিং নাভিজানামি, পঞ্চঙ্গুলিস্সিদং [পঞ্চঙ্গুলিযিদং (সী.)] ফলং.

৫৩. ‘‘দ্ৱেসত্ততিম্হিতো কপ্পে, ৰাজা আসিং সযম্পভো;

সত্তৰতনসম্পন্নো, চক্কৱত্তী মহব্বলো.

৫৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পঞ্চঙ্গুলিযো থেৰো ইমা গাথাযো অভাসিত্থাতি;

পঞ্চঙ্গুলিযত্থেৰস্সাপদানং দসমং.

সুপাৰিচৰিযৱগ্গো সত্তৰসমো.