১৫. দিট্ঠিৱগ্গো

১-৯. অজ্ঝত্তসুত্তাদিৱণ্ণনা

১৫০-১৫৮. দিট্ঠিৱগ্গস্স পঠমে কিং উপাদাযাতি কিং পটিচ্চ. দুতিযে কিং অভিনিৱিস্সাতি কিং অভিনিৱিসিত্ৱা, পচ্চযং কত্ৱাতি অত্থো. ততিযাদীসু দিট্ঠীতিআদীনি পুগ্গলজ্ঝাসযেন ৱুত্তানি. পঠমাদীনি.

১০. আনন্দসুত্তৱণ্ণনা

১৫৯. দসমে উপসঙ্কমীতি অঞ্ঞে ভিক্খূ পঞ্চক্খন্ধকম্মট্ঠানং কথাপেত্ৱা যুঞ্জিত্ৱা ঘটেত্ৱা অৰহত্তং পত্ৱা সত্থু সন্তিকে অঞ্ঞং ব্যাকৰোন্তে দিস্ৱা ‘‘অহম্পি পঞ্চক্খন্ধকম্মট্ঠানং কথাপেত্ৱা যুঞ্জন্তো ঘটেন্তো, অৰহত্তং পত্ৱা অঞ্ঞং ব্যাকৰিস্সামী’’তি চিন্তেত্ৱা উপসঙ্কমি. সত্থা পন অত্তনো ধৰমানকালে থেৰস্স উপৰিমগ্গত্তযৱজ্ঝানং কিলেসানং পহানং অপস্সন্তোপি ‘‘ইমস্স চিত্তং গণ্হিস্সামী’’তি কথেসি. তস্সাপি একং দ্ৱে ৱাৰে মনসি কত্ৱাৱ বুদ্ধুপট্ঠানৱেলা জাতাতি গন্তব্বং হোতি. ইতিস্স চিত্তং সম্পহংসমানো ৱিমুত্তিপৰিপাচনীযধম্মোৱ সো কম্মট্ঠানানুযোগো জাতোতি. দসমং.

দিট্ঠিৱগ্গো পন্নৰসমো.

উপৰিপণ্ণাসকো সমত্তো.

খন্ধসংযুত্তৱণ্ণনা নিট্ঠিতা.