৭. আৱট্টহাৰসম্পাতৱণ্ণনা

৬৯. নেক্খম্মসঙ্কপ্পবহুলো কসিণৱসেন মেত্তাদিৱসেন ৱা লদ্ধায চিত্তেকগ্গতাসঙ্খাতায চিত্তমঞ্জূসায চিত্তং ঠপেত্ৱা সমাধিংযেৱ ৱা যথালদ্ধং সংকিলেসতো ৰক্খিতচিত্তো নাম হোতীতি ৱুত্তং – ‘‘তস্মা ৰক্খিতচিত্তস্স সম্মাসঙ্কপ্পগোচৰোতি অযং সমথো’’তি. পঞ্ঞাপধানা ৱিপস্সনাতি আহ – ‘‘সম্মাদিট্ঠিপুৰেক্খাৰোতি অযং ৱিপস্সনা’’তি. অৰিযমগ্গেন দুক্খসচ্চে পৰিঞ্ঞাতে উদযব্বযদস্সনং মত্থকপ্পত্তং নাম হোতীতি ৱুত্তং – ‘‘ঞত্ৱান উদযব্বযন্তি দুক্খপৰিঞ্ঞা’’তি. ‘‘যং কিঞ্চি সমুদযধম্মং, সব্বং তং নিৰোধধম্ম’’ন্তি হি মগ্গঞাণস্স পৱত্তিদস্সনাতি. ইমানি চত্তাৰি সচ্চানীতি চতুসচ্চধম্মৱসেন আৱট্টনং নিট্ঠপেতি. তত্থ পুৰিমেন সচ্চদ্ৱযট্ঠপনেন ৱিসভাগধম্মৱসেন, পচ্ছিমেন সভাগধম্মৱসেন আৱট্টনন্তি দট্ঠব্বং.

আৱট্টহাৰসম্পাতৱণ্ণনা নিট্ঠিতা.