৫. তিকতিকপট্ঠানৱণ্ণনা

তিকতিকপট্ঠানেপি কুসলং সুখায ৱেদনায সম্পযুত্তং ধম্মং পটিচ্চ কুসলো সুখায ৱেদনায সম্পযুত্তো ধম্মো উপ্পজ্জতি হেতুপচ্চযাতি পঞ্হুদ্ধাৰৱসেনেৱ সঙ্খেপতো দেসনা কতা. এত্থ চ কুসলত্তিকং ৱেদনাত্তিকাদীহি, ৱেদনাত্তিকাদযো চ কুসলত্তিকেনাতি এৱং তিকেসুযেৱ তিকা পক্খিত্তা. যেন যেন চ পদেন সদ্ধিং যং যং পদং যোজনং ন গচ্ছতি, তং তং হাপেত্ৱা লব্ভমানৱসেনেৱ সব্বপচ্চযেসু ৱাৰা চ গণননযা চ দস্সিতা, তস্মা তে সাধুকং পাড়িং উপপৰিক্খিত্ৱা ৱেদিতব্বা. যথা চ কুসলত্তিকং ৱেদনাত্তিকাদীহি, ৱেদনাত্তিকাদযো চ তেন সদ্ধিং যোজেত্ৱা ৱেদিতব্বা; তথা একেকং তিকং সেসেহি. সেসা চ তেহি সদ্ধিং যোজেত্ৱা ৱেদিতব্বাতি.

তিকতিকপট্ঠানৱণ্ণনা.